Almaty Qazaqstannyń halyq sýretshisi Á.Qasteevtiń mereıtoıyn keńinen atap ótpek
ASTANA. 10 qańtar. QazAqparat - Bıyl ulttyq mádenıetimizdiń kórnekti qaıratkeri, elimizdiń kásibı beıneleý óneriniń negizin qalaýshylardyń biri, Qazaqstannyń halyq sýretshisi Ábilhan Qasteevtiń (1904-1973) týǵanyna 110 jyl tolady.
Osyǵan oraı Á.Qasteev atyndaǵy Memlekettik óner murajaıy birqatar sharalardy uıymdastyrýǵa muryndyq boldy. Atap aıtqanda, 17 qańtar kúni 1957 jyldan bastap qylqalam sheberi turyp, jumys istegen úıde Á.Qasteev murajaıy ashylady. Onda Qazaqstannyń kásibı qylqalam sheberleriniń biriniń ómiri men shyǵarmashylyǵynan syr shertetin beınefılmder, sýretter, qujattar, shyǵarmalarynyń kóshirmeleri qoıylǵan. Murajaı kelýshilerge talantty sýretshiniń kóptegen týyndylary salynǵan sheberhanasynda da bolý múmkinshiligin qarastyryp otyr. Aıta keterligi, murajaı Á.Qasteev atyndaǵy Memlekettik óner murajaıynyń fılıalyna aınalady.
Qylqalam sheberiniń mereıtoıyn atap ótý aıasynda Á.Qasteev pen Qazaqstannyń beıneleý óneri sheberleriniń «Sýretshi men ýaqyt» atty kórmesi, «Tarıhı estelik jáne mádenı mura problemalary» atty halyqaralyq ǵylymı-tájirıbelik konferentsııa uıymdastyrylady.
