Almaty-Qaskeleń jolynyń bir bóligi jóndeý jumystaryna balanysty jabyldy

ALMATY. QazAqparat – «Altyn Orda» bazary mańyndaǵy kópir (Almaty-Qaskeleń baǵyty) jóndeý jumystaryna baılanysty jabyldy, dep habarlaıdy QazAqparat tilshisi.

«QazAvtoJol» ulttyq kompanııasynyń málimetinshe, 2-10 shilde aralyǵynda kúrdeli jóndeý jumystaryna baılanysty «Almaty-Qaskeleń» baǵyty boıynsha bas magıstraldyq estakadanyń bir bóligi jabylady.

«Jolaıryqtyń sapasyna júrgizýshilerden birneshe ret shaǵym tústi. Merdiger uıym jóndeý jumystaryn bastady. Bul – «Altyn Orda» bazary mańynyń 16-19 shaqyrymy. Júrgizýshilerden marshrýtty aldyn ala josparlaýdy suraımyz», - dep habarlady kompanııanyń baspasóz qyzmetinen.

Buǵan deıin áleýmettik jelide júrgizýshilerdiń biri «Altyn Orda» mańyndaǵy jolaıryqtyń sapasyn kórsetken vıdeosyn jarııalaǵan edi. Beınejazbadan shuńqyr men kedir-budyr joldy baıqaýǵa bolady.