Almaty-Qaskeleń arasyndaǵy kólik quny 20 teńgege qymbattaıdy
ALMATY. QazAqparat - Almatynyń irgeles aýdanyndaǵy qoǵamdyq kólik quny 20 teńgege ósetin boldy. Bul týraly QazAqparat tilshisine Qaskeleń avtoparkiniń bas dırektory Esbaı Áshimbaev aıtyp berdi.
Onyń aıtýynsha, jolaqy ósimine áser etken birden-bir faktor - avtopark pen onyń qyzmetkerlerin qamtamasyz etý qıyndyǵy.
«10 tamyzdan bastap jol aqysy 120 teńge bolady. Dızel otyny 183 teńge turady, onyń ústine Almatydan Qaskeleńge qatynaý úshin 24 shaqyrym jol júrý kerek. Eger buryn avtobýs bıleti 100 teńge bolsa, tıisinshe ol kezde benzın de arzan edi. 7 jyl boıy baǵany ustap turdyq. Árıne, halyqqa qıyn bolatynyn bilemin. Avtobólshekter baǵasynyń yshqynyp turǵan zamanynda avtoparkti asyraý da ońaı emes»,-dedi Esbaı Áshimbaev.
Aıta ketý kerek, Qaskeleń turǵyndarynyń sany qazirgi tańda 320 myńǵa jetedi.
«Avtobýs 24 shaqyrym jol júrip, 20 adamdy dittegen jerine jetkizedi. Olardyń árqaısysy 100 teńgeden tólese, odan jınalǵan soma jol shyǵynyn aqtamaıdy»,-dedi Qaskeleń avtoparkiniń bas dırektory.
