Almaty kásiporyndary 64,8 mlrd teńgeniń ónimin óndirdi
Brıfıng barysynda Jetisý aýdanynyń ákimi 2021 jyldyń І toqsanyn qorytyndylap, aýdandaǵy áleýmettik-ekonomıkalyq damýy men atqarylyp jatqan jumystar jaıly baıandady
«2021 jyldyń І toqsanynda Jetisý aýdany boıynsha bıýdjetke salyq túsimderiniń úlesi 56,5 mlrd teńgeni qurady, boljam 134%-ǵa oryndaldy. Ónerkásiptik kásiporyndarmen 64,8 mlrd teńgege ónim óndirildi. Aýdannyń ónerkásip sektory jalpy qalalyq ónerkásip ónimin shyǵarýda 19,7% alady, iri jáne orta sanatqa 37 ónerkásip kiredi», - dedi ol.
Onyń aıtýynsha, 2021 jyldyń úsh aıynda aýdan boıynsha negizgi kapıtalǵa 18,7 mlrd teńge ınvestıtsııa ıgerilgen, negizgi kapıtal ınvestıtsııasy 403,9%-dy quraǵan.
«Qazirgi tańda aýdanda jeke ınvestıtsııalardyń jalpy somasy 76,6 mlrd teńgeden asatyn 17 iri nysannyń jobasy iske asyrylýda. Ol kóppáterli turǵyn úıler qurylysy salasynda, qyzmet kórsetý jáne saýda salasynda, densaýlyq saqtaý nysandary, memlekettik baǵdarlamalarǵa qatysatyn obektiler», - deıdi Gúlnar Kókebaeva.
Aýdandaǵy bólshek taýar aınalym kólemi 168,8 mlrd teńge. Naqty kólem ındeksi 103,9%. 2021 jylǵy qańtar-naýryzda kóterme taýar aınalymynyń kólemi 321,7 mlrd teńge boldy.