Almaty kásipkerlerin qoldaýǵa 30 mlrd teńge bólinedi

ALMATY. QazAqparat – Almaty bıýdjetiniń 64% shaǵyn jáne orta bıznes sýbektileriniń salyǵynan quralady. Bul týraly búgin máslıhat sessııasynda qala ákimi Baqytjan Saǵyntaev aıtty, dep habarlaıdy QazAqparat tilshisi.

«Qala bıýdjetiniń kólemi ShOB sýbektilerinen túsetin salyqqa baılanysty bolyp otyr. Almatyda shaǵyn jáne orta bıznes sýbektileri ashylǵan saıyn salyq kóp túsedi. Sonyń arqasynda qalanyń áleýmettik máselelerin sheshýge múmkindik artady. Bizge negizi korportatıvtik tabys salyǵyn jergilikti bıýdjetke burǵan tıimdi. Bul degenimiz ShOB sýbektileriniń múddesin qorǵaý kerektigin kórsetedi. Óıtkeni, aqshanyń 64% solardan keledi», - dedi Baqytjan Saǵyntaev.

Almaty ákimi kelesi jyly ShOB sýbektilerin qoldaýǵa 30 mlrd teńge bólinetinin habarlady.

«Bul salaǵa 30 mlrd teńge bólinse, bizge 300 mlrd teńge qaıtady. Ony jaqsy túsinip otyrmyz», - dedi Saǵyntaev.