Almaty kásipkerleri Ashyq jobasyna qalaı ótinish bere alady
«Búgin Almaty qalasy ákimdiginiń saıtyndaǵy tizimde pılottyq jobaǵa 264 bıznes nysandardyń qatysatyny, bir qatysýshy ótiniminiń óńdelip jatqany, 92 qatysýshy QR-kodyn alý satysynda ekendigi jarııalanǵan. Pılottyq jobanyń arqasynda Almatyda qyzyl jáne sary mártebesi bar 19 kelýshi anyqtaldy. Jalpy, 17 qańtardan 5 sáýirge deıin respýblıka boıynsha qyzyl mártebesi bar 273 azamat anyqtaldy»,-deıdi spıker.
Aıtýar Qoshmambetov «Ashyq» qosymshasymen jumys isteý úshin kásipkerlerdiń qandaı kezeńderden ótýleri tıis ekenin atap ótti.
«Ol úshin Almaty qalasynyń Kásipkerler palatasyna ıAndeks platformasyndaǵy úlgini toltyrý arqyly ótinim berý qajet. Ótinim berýge arnalǵan siltemeni bizdiń «Bıznes shtab Almaty» telegramm-arnasynan tabýǵa bolady.Barlyq ótinimder berilgennen keıin ekonomıkalyq qyzmet túrleriniń jalpy jikteýishi sáıkestigi tekserilip, aýdandyq sanıtarııalyq-epıdemıologııalyq baqylaý basqarmalarymen kelisiledi. Budan ári tekserý men maquldaýdan keıin berilgen ótinimder QR-kod júkteýge ruqsat berýge jiberiledi. Ruqsat alǵannan keıin ótinim berýshiler elektrondy platformada QR kod alý nusqaýlyǵyna sáıkes QR-kodty InfoKazakhstan.kz saıtynan júkteı alady»,- dedi Aıtýar Qoshmambetov.
Jańadan qatysýshylar bir apta boıy bilimderin jetildiredi ári testilik rejımde jumys isteıdi.
«Bir aptadan keıin testilik rejım negizinde jańadan qatysýshylar ákimdik saıtyndaǵy tizimge engiziledi. QR júkteýge ruqsat berýge ótinimderi bir kúnde 2 ret saǵat 12.00 jáne 18.00-de júrgiziledi. Ákimdik saıtyndaǵy qatysýshylar tizimine engizý aptasyna 2 ret seısenbi jáne beısenbi kúnderi júrgiziledi»,- dedi Almaty Kásipkerler palatasynyń dırektory.
Nysan ekonomıkalyq qyzmet túrleriniń jalpy jikteýishi kodyna sáıkes kelmese nemese kásipkerlik sýbektiniń jumysyna tyıym salynsa, onda «Ashyq» jobasyna qatyspaıdy.
«Búgingi kúni kınoteatrlardyń ıeleri qosymshany bastaý úshin jıi habarlasady. Bul másele qaralýda, jańa qaýly shyqqan jaǵdaıda kınoteatrlar «Ashyq» jobasy boıynsha jumys isteıtin nysandar tizimine engizilýi múmkin»,- dedi ol.