Almaty: Kásipkerden para aldy degen kúdikpen aýrýhananyń bas dárigeri ustaldy
«Sybaılas jemqorlyqqa qarsy is-qımyl ulttyq bıýrosynyń Almaty qalalyq departamenti «Almaty qalasynyń №12 qalalyq klınıkalyq aýrýhanasy» sharýashylyq júrgizý quqyǵyndaǵy memlekettik kommýnaldyq kásipornynyń bas dárigeriniń para alý faktisin anyqtady. Oǵan «№12 qalalyq klınıkalyq aýrýhanasy» ǵımaratynda kásipkerlik qyzmetin kedergisiz júrgizý jáne jalpy qamqorlyǵy úshin jeke kásipkerden 200 myń teńge kóleminde júıeli negizde para alyp kelgen degen kúdik keltirilip otyr», - deıdi Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Janna Bastarova Agenttikte ótken baspasóz máslıhatynda.
Onyń aıtýynsha, bas dárigerge medıtsınalyq jabdyqtar men medıtsınalyq maqsattaǵy buıymdardy jetkizý jáne shart jasasý boıynsha memlekettik satyp alýda artyqshylyq kórsetý úshin jaýapkershiligi shekteýli seriktestik ókilinen jalpy somasy 340 myń teńge jáne 1950 AQSh dollary kólemindegi para aldy degen kúdik keltirilip otyr.
«Sot sanktsııasymen kúdiktilerge qatysty «kúzetpen ustaý» túrindegi bultartpaý sharasy qabyldandy», - deıdi Janna Bastarova.