Almaty qashan 100 úzdik qalanyń qataryna kiredi
ALMATY. QazAqparat – Almaty 20-30 jyldan soń ómir súrý sapasy jaǵynan álemdegi eń úzdik 100 qalanyń qataryna kiredi. Bul týraly búgin ótken brıfıng barysynda qalalyq Strategııa jáne bıýdjet basqarmasynyń basshysy Nurtas Qaıyrov málimdedi, dep habarlaıdy QazAqparat tilshisi.
Onyń aıtýynsha, «Almaty-2050» strategııasy osy mejege jetýge múmkindik beredi.
«Bazalyq reıtıng retinde biz «Mercer» reıtıngisin alamyz. Búginde Almaty bul reıtıng boıynsha 177-orynda tur. Almatynyń 2050 jylǵa deıingi strategııasynyń maqsaty bıik qujat. 2 onjyldyqta josparǵa sáıkes qala álemdegi ómir súrý sapasy jaǵynan eń úzdik 100 qalanyń ishine kiredi«,- dedi qalalyq Strategııa jáne bıýdjet basqarmasynyń basshysy Nurtas Qaıyrov.
Onyń aıtýynsha, aldaǵy 5 jylda qalanyń shetki aýdandaryn damytýǵa 800 mlrd teńge jumsalady. Bul qarajatqa Alataý jáne Naýryzbaı aýdanynda ınfraqurylymdyq jelileri júrgiziledi.
Aıta ketý kerek, Almaty ákimi Baqytjan Saǵyntaev keshe qalanyń 2050 jylǵa deıingi damý strategııasyn jarııalaǵan bolatyn. Qujatqa sáıkes, qala 30 jylda 7 baǵyt boıynsha damıtyn bolady.
