Almaty qarjy polıtsııasynyń eks-basshysy Amanbaev 14 jylǵa qamalýy múmkin
ASTANA. QazAqparat - Memlekettik aıyptaýshy Almaty qalasy qarjy polıtsııasynyń burynǵy basshysy Ámirhan Amanbaevty 14 jylǵa bas bostandyǵynan aıyrýdy surady, dep habarlaıdy QazAqparat.
«Sot talqylaýy barysynda Amanbaevtyń bıýdjettik qyzmetker retindegi aı saıynǵy jalaqysynan basqa tabys kóziniń bolmaýyna qaramastan, qylmystyq toptyń quramynda qylmystyq áreketteri arqyly alynǵan aqsha qarajattaryn týǵan-týystarynyń atyna rásimdeý arqyly zańdastyrǵany anyqtaldy. Naqty aıtqanda, 2014 jyldyń 29 qańtarynda Leksýs 350 kóligi satyp alynyp, ulynyń atyna rásimdelgen. Baǵalaý quny 9 mln. 275 myń teńgeni quraıdy. Jubaıynyń atyna Qaraǵandynyń Karbyshev kóshesi boıyndaǵy jer telimi men kólik turaǵy bar páter tirkelgen. Baǵalaý quny - 47 mln. 756 myń teńge. 2014 jyldyń 24 jeltoqsanynda 2011 jyly shyǵarylǵan Toıota Land krýzer 200 kóligi de jubaıynyń atyna tirkelgen, onyń da baǵalaý quny 11 mln. 817 myń teńgeni quraıdy. 4 jeltoqsanda baǵalaý quny 3 mln. 95 myń teńgeni quraıtyn «Shkoda Oktavııa» kóligi ulynyń atyna tirkelgen», - dep atap ótti memlekettik aıyptaýshy.
Ol sottan Ámirhan Amanbaevty kináli dep taýyp, memlekettik qyzmette laýazym atqarý quqyǵynan ómir boıy aıyryp, múlkin tárkileý arqyly qatań rejimdegi túzeý kolonııasyna jazasyn óteýge 14 jylǵa jiberýdi surady. Sonymen qatar QR Prezıdentine Amanbaevty «3 synypty memlekettik keńesshi» sheni men «Qurmet» jáne 2 dárejeli «Dańq» ordenderinen aıyrý týraly usynys engizý qajettigin atap ótti.
Munan bólek, memlekettik aıyptaýshy Sergeı Ilındi de aıypty dep tanyp, oǵan memlekettik qyzmette laýazym atqarýyna ómir boıy, al kásipkerlikpen aınalysýǵa 7 jylǵa tyıym salyp, múlkin tárkileý arqyly qatań rejimdegi túzeý kolonııasyna 16 jylǵa qamaýdy surady.
«Nurlan Shaýkerovti memlekettik qyzmette laýazym atqarýyna ómir boıy, al kásipkerlikpen aınalysýǵa 7 jylǵa tyıym salyp, múlkin tárkileý arqyly qatań rejimdegi túzeý kolonııasyna 16 jylǵa bas bostandyǵynan aıyrýdy suraımyn. Fedotovty kásipkerlik qyzmetpen aınalysýyna 7 jylǵa tyıym sala otyryp, múlkin tárkileý arqyly jalpy rejimdegi túzeý kolonııasyna 9 jylǵa jazasyn óteýge qamaý qajet», - dedi memlekettik aıyptaýshy.
Sonymen qatar ol memleket paıdasyna aıyptalýshylardan 27 mlrd. 712 mln. 858 myń 253 teńge óndirip alý suraldy.
