Almaty kardıoortalyǵynda 22 patsıent koronavırýs juqtyrǵan
ALMATY. QazAqparat - Almaty kardıoortalyǵynda 22 patsıent koronavırýs juqtyrǵan. Bul týraly qalanyń bas sanıtarlyq dárigeri Jandarbek Bekshın aıtty, dep habarlaıdy QazAqparat tilshisi.
Onyń aıtýynsha, ortalyqta 15 ınfektsııalyq tósek oryn jaıǵastyrylǵan.
«Sebebi, ınfrakt alǵan naýqas pen qan qysymy joǵary naýqas negizgi dıagnozyna qatysty aýrýhanada emdelýi tıis. 1 jeltoqsanda provızorlyq ortalyqta bir adamda vırýs anyqtaldy. Biz profılaktıkalyq tekserý júrgizdik. Nátıjesinde 22 adamnan oń test nátıjesi shyqty. Sondyqtan, bólimshe palatalarynda ınfektsııa ary taralmas úshin dezınfektsııalyq óńdeý jasaldy», - dedi Bekshın.
Onyń aıtýynsha, bul sharalar aýrýdy aýyzdyqtaýǵa septigin tıgizbek.
Sonymen qatar, koronavırýs kardıoortalyqtyń 2 qyzmetkerinen tabyldy. Olar ýaqytynda oqshaýlanǵan.
Munyń aldynda kardıologııalyq ortalyq josparly tazalyq jumystaryna baılanysty jabylǵanyn habarlaǵan edik.
