Almaty kardıologtary turǵyndarǵa vıdeo jáne telebaılanys arqyly keńes beretin bolady
ALMATY. QazAqparat – Almatyda qalalyq kardıologııalyq ortalyq basshylyǵy qyzmet etýdiń jańa formaty vıdeo jáne telebaılanys formatyna kóshpek, dep habarlaıdy QazAqparat tilshisi.
Bul týraly qalalyq Qoǵamdyq densaýlyq saqtaý basqarmasy málimdedi.
«COVID-19 juǵý qaýpiniń joǵary bolýyna baılanysty jarııalanǵan Tótenshe jaǵdaı aıasynda ambýlatorııalyq qyzmet kórsetý múmkin emes. Biraq bul ahýaldyń kardıologııalyq patsıentterge zardaby tımeýi úshin barymyzdy salatyn bolamyz», - dedi qalalyq Kardıologııalyq ortalyqtyń bas dárigeri Almat Qodasbaev.
Endi kardıologııalyq ortalyqta naýqastar onlaın alańda qaralatyn boldy.
Olardy kardıologııalyq hırýrgııa, ınterventsııalyq kardıologııa bólimshesiniń meńgerýshileri belgilengen grafıkke sáıkes qaraıtyn bolady.
Qosymsha suraqtar bolsa 225-00-42 nómirlerine habarlasýǵa bolady.
