Almaty: Qara topyraq urlap, satpaq bolǵandar ustaldy
ALMATY. QazAqparat – Alataý aýdanynyń aýmaǵynda qara topyraqty qazyp, júk kóligine tıep alyp ketpek bolǵan azamattar ustaldy, dep habarlaıdy QazAqparat tilshisi.
Polıtsııa ákimshilik quqyq buzýshylardy zattaı aıǵaqpen ustady.
«Bul azamattar QR ÁQbK birqatar baptarymen jaýapqa tartyldy. Olar qunarly qara topyraqty urlap, satpaq bolǵan. Sondaı-aq, olardyń karantın kezinde qala ishinde qozǵalýǵa eshqandaı ruqsaty joq»,– deıdi Alataý aýdandyq polıtsııa basqarmasynyń bastyǵy Іlııas Ómirserikov.
Osylaısha, 23-38 jas aralyǵyndaǵy tórt er adam QR ÁQbK 337, 463, 476 jáne 505 baptary boıynsha ákimshilik jaýapkershilikke tartyldy.
Jınalǵan materıaldar Almaty qalalyq mamandandyrylǵan aýdanaralyq ákimshilik sotyna tapsyryldy, ol jerde ár buzýshyǵa qatysty sheshim shyǵarylady.
