Almaty-Qapshaǵaı tas jolyndaǵy kólik apatynan eki adam mert boldy

Polıtsııa qyzmetkerleriniń habarlaýynsha, jol apaty 9 shildeden 10 shildege qaraǵan túni Almaty-Qapshaǵaı trassasynyń 20-shy shaqyrymynda bolǵan. Lada Kalina markaly jeńil avtokóligi úlken jyldamdyqpen kele jatyp, jarnamalyq qurylǵynyń betondy irgetasyna soǵylǵan. 

Avtokóliktiń aldyńǵy jaǵynyń maıysyp, janshylǵany sonshalyq, jol polıtsııasy qyzmetkerleri júrgizýshi men jolaýshyny áreń degende avtokólikten alyp shyqqan. Almaty qalalyq ІІD habarlaýynsha, júrgizýshi jigit pen boıjetken alǵan jaraqattyń saldarynan kóz jumdy.