Almaty - Qapshaǵaı kúre jolyndaǵy jol apatynan jeti adam zardap shekti
ALMATY. QazAqparat - Almaty - Qapshaǵaı kúre jolynyń 20 shaqyrymynda HondaCRV men Toyota Ipsum avtomobılderi soqtyǵysty.
Apat saldarynan jeti adam zardap shekti,olardyń ekeýi balalar, dep habarlaıdy «QazAqparat» HAA tilshisi oqıǵa ornynan.
Kórgenderdiń aıtýynsha, mashınalar Qapshaǵaıdan Almatyǵa kele jatqan. Belgili bolǵandaı, Honda orta qatarda, al Toyota joldyń shetinen oń jaqqa qaraı kúrt burylmaqqa árekettengen. Qatty soqqydan sońǵysy aýdarylyp ketken.
Jol-kólik oqıǵasy saldarynan jeti adam: Honda avtomashınasynda úsh eresek adam jáne eki bala, al Toyotada jolaýshy men júrgizýshi zardap shekti.
Barlyǵy da aýrýhanaǵa jatqyzyldy. Qazirgi ýaqytta oqıǵa ornynda polıtsııa jumys isteýde.
