«Almaty-Qapshaǵaı» beton tas joly nege asfalttaldy
ALMATY. QazAqparat - «QazAvtoJol» ókilderi taqtaıdaı tegis betondalǵan Qapshaǵaı tas jolyna nege qosymsha asfalt júrgizilgenin túsindirdi, dep habarlaıdy QazAqparat tilshisi.
Bul aqparat áleýmettik jelide taralǵan bolatyn.
2017 jyldyń jeltoqsanynda jáne 2019 jyldyń qańtarynda «Almaty-Qapshaǵaı» tas jolynda iri jol apaty bolǵan edi. Kóktaıǵaqtan 6-20 avtokólik soqtyǵysty.
«Osy jol apatynan soń jol jabyndysyna emýlsııalyq-mıneraldyq qosyndy tóseý týraly sheshim qabyldandy. Syrty qabyrshaq, ári jylý almasý qasıeti joǵary jabyndy jol apatynyń aldyn alady. Jalpy alǵanda osy joldyń soltústikke qaraı 5 shaqyrymyna jabyndy tóseledi. Bul jumystar qyrkúıekte aıaqtalady», - dedi «QazAvtoJol» AQ.
