Almaty qalasynyń Jolaýshylar kóligi jáne avtomobıl joldary basqarmasynda júrgizilgen tekseris nátıjesinde 4 qylmystyq is qozǵaldy
ASTANA. Qańtardyń 19-y. QazAqparat - Prokýratýra «Almaty qalasynyń Jolaýshylar kóligi jáne avtomobıl joldary basqarmasy» Memlekettik mekemesinde júrgizgen tekseristiń nátıjeleri boıynsha 4 qylmystyq is qozǵady,
dep habarlaıdy QazAqparat QR Bas prokýratýrasyna silteme jasap.
Baspasóz qyzmetiniń habarlaýynsha, Almaty qalasynyń prokýratýra organdary Basqarmanyń qyzmetinde avtomobıl joldaryn jobalaý, salý jáne iske qosýdy júzege asyrý barysynda sybaılas jemqorlyqpen kúres jáne avtomobıl joldary týraly zańnamalardyń qoldanylýyna tekserister júrgizdi.
«Tekseris barysynda atalmysh mekemede qoldanystaǵy zańnamalar óreskel buzylyp otyrǵandyǵy, máselen, bıýdjet qarajatyn tıimsiz jumsaý jáne jymqyrý (atqarylǵan jumys aktileri boıynsha), qyzmet babyn asyra paıdalaný oqıǵalary oryn alǵandyǵy anyqtaldy», - dep atap ótken baspasóz qyzmeti.
Tekseris jumystarynyń nátıjesinde barlyǵy tórt qylmystyq is qozǵalyp, Jolaýshylar kóligi jáne avtomobıl joldary basqarmasynyń bastyǵyna zańbuzýshylyqtardy joıý týraly usynym túsirildi.
