Almaty qalasynyń jol polıtsııasy kólik urlaýshyny qolǵa túsirdi
ALMATY. Tamyzdyń 4-i. QazAqparat /Erbol Turymbetov/ - Almaty qalasynyń Medeý aýdany, Buzyrbaev kóshesindegi úılerdiń biriniń aýlasynan «Toıota Karolla» markaly kólik qoldy boldy. Uryny jol polıtsııasy qyzmetkerleri tez qolǵa túsirdi,
dep habarlaıdy Almaty qalalyq ІІD-niń baspasóz qyzmeti.
Kólik urlyǵyn jasaǵan Shyǵys Qazaqstan oblysy Zyrıanov aýdanynyń Artem esimdi 20 jasar turǵyny bolyp shyqty. Avtokólik ıesin qaraýyldaǵan ol tańǵy saǵat 5-te kóliktiń qulyptaýly esigin ashyp, aıdap ketken.
Jábirlenýshi kóliginen aıyrylǵandyǵyn 1 saǵat ótken soń bilip, dereý polıtsııaǵa habar bergen. Sonyń negizinde qala boıynsha arnaıy «Quryqtaý» jospary júrgizildi. Sonymen birge, kólik urlanǵandyǵy týraly kórshi oblystarǵa da habar berilgen. Sálden soń-aq izdeýdegi avtomobıldiń Qapshaǵaı qalasyna qaraı baǵyt alyp bara jatqandyǵy týraly habar kelip tústi», deıdi Almaty qalasy ІІD-niń Jol polıtsııasy basqarmasynyń arnaıy batalon komandıri polıtsııa maıory Manap Sattarov.
Artem polıtsııadan Almaty oblysy, Іle aýdanyndaǵy Ótegen batyr aýylynda boı tasalamaq bolǵan. Biraq, qatty júriste rólge ıe bola almaı qalǵan ol baǵdarsham baǵanyna baryp soqqan.
«Ustalǵan ýaqytynan bastap kúdikti bizdi kámeletke tolmaǵandyǵyna sendirgisi keldi. Alaıda, keıinirek biz ol týraly naqty málimetterdi taptyq. Mas kúıinde qolǵa túsken qylmysker jasaǵan áreketiniń sebebin de túsindire almady. Qazirgi ýaqytta avtokólikti zańsyz ıelený faktisi boıynsha Medeý aýdandyq ІІB-nda tergeý amaldary júrgizilýde», dedi M. Sattarov.
