Almaty qalasynyń úkimettik emes uıymdary latyn árpine kóshý úrdisin qoldaıdy
«Latyn árpine kóshý jańa tehnologııalardy meńgerý, ǵylymı jetistikterdi tez ıgerý, álemdik til sanalatyn aǵylshyn tilin úırený, 30-40 jyldary jazylǵan klassıkterdiń týyndylaryn túpnusqada oqý, túrki elderimen qarym-qatynasty nyǵaıtý syndy ózekti máseleler oń sheshimin tabary anyq», - dedi ol.
Sondaı-aq, latyn qarpine kóshýge qatysty«El-shejire» qaıyrymdylyq qory» qoǵamdyq qorynyń prezıdenti Dıdahmet Áshimhanda óziniń pikirin bildirdi.
«Ótkendi umytpaý, jańany ulyqtaý qazaqstandyqtardyń turmys-saltynyń ajyramas bóligine aınalǵanda ǵana, ózgeristerden utarymyz kóp. Ulttyq sanany jańǵyrtaýda jańa tehnologııalardyń eshqaısysyn jatsynbaýymyz kerek. Al latyn alfavıti bizdi álemdik órkenıetpen birtutastandyra túsedi. Jahandyq úderis ıntegratsııadan shetqala almaıtynymyzdy kórsetti. Bul úderis eshkimniń esigin qaǵyp, aldyn ala ruqsat suramaıdy. Sol sebepti ulttyq sanamyzdy saqtaý úshin, jańa zamanǵa saqtyqpen qamdanýymyz kerek. Qazaqstandyqtardyń kóbi aǵylshyn alfavıtimen tanys bolǵandyqtan, olarǵa latyn alfavıtin úırený qıynǵa soǵa qoımaıdy. Óıtkeni olardyń áripteri óte uqsas», - dedi Dıdahmet Áshimhan.
Ol latyn alfavıti arqyly qazaqtyń umytylyp ketken tól dybystaryn qaıta týǵyzýǵa múmkindik bar ekendigigin atap aıtty. Jańa alfavıt arqyly tarıhymyzdy, ádebıetimizdi, aqparattyq keńistigimizdi súzgiden ótkizip, qajetsiz dúnıelerden qutylamyz, deıdi ol.
