Almaty qalasynyń turaqtandyrý qoryna 45 mln dári-dármek tústi
ALMATY. QazAqparat -Almaty qalasynyń ákimi Baqytjan Saǵyntaev dári-dármekterdi turaqtandyrý qoryn qurýǵa qatysatyn farmatsevtıkalyq kompanııalardyń qoımalaryn aralady, dep habarlaıdy QazAqparat tilshisi.
Baqytjan Saǵyntaev Instagram -daǵy paraqshasynda qala dárihanalarynda joǵary suranysqa ıe dárilik zattar men medıtsınalyq ónimderdiń tapshylyǵyn boldyrmaý sharalary týraly jazdy.
«Jumys sapary kezinde qaladaǵy dárihanalarǵa berilý úshin turaqtandyrý qoryna satyp alynatyn medpreparat qoımalaryndaǵy jaǵdaımen tanystym. Bıyl «Medservıs Plıýs» kompanııasy 6 mln býma paratsetamol men aspırın jetkizdi. Mınımaldy qaldyq – 1,2 mıllıon býma», — dep jazdy Almaty ákimi.
Onyń aıtýynsha, qabyldanǵan mindettemeler aıasynda Biola farmatsevtıkalyq kompanııasy Almatyǵa 27 mln birlik medıtsınalyq ónim — shprıtster, ınfýzııalyq júıeler, elektrondy jáne synapty termometrler ákeldi.
«Іńkár» kompanııasynyń qoımalarynda — 62 túrli 7,7 mln dárilik zattar, onyń ishinde 1,4 mln paket antıbıotıkterdiń azaımaıtyn qory («Azıtromıtsın», «Sýmamed» jáne t. b.), dene qyzýyn túsiretin («Ibýprofen», «Ibýfen» jáne t. b.), antıkoagýlıanttar («Kardıomagnıl», «Fraksıparın» jáne t. b.), vırýsqa qarsy dárilerdiń qory bar («Favıpıravır», «Anaferon», «Ingavırın» jáne t. b.).
«Jalpy shilde aıynan beri turaqtandyrý qoryna medónimderdiń 64 túri men medbuıymdardyń 4 túri boıynsha 45 mln dári-dármek jetkizildi. Bul – josparlanǵan kólemnen 12%-ǵa artyq. Jalpy tómendetilmeıtin qor kólemi – 8 mln birlik. Medpreparattar qaladaǵy barlyq dárihana jelisine jiberiledi. Bul shara aýrýdyń ýshyqqan kezeńinde dári-dármek tapshylyǵyn boldyrmaýǵa múmkindik beredi», — dep atap ótti Almaty ákimi B. Saǵyntaev.
