Almaty qalasynyń tarıhı murajaıy jańa ǵımaratqa kóshiriledi
ALMATY. QazAqparat - Almaty qalasynyń tarıhı murajaıy medıtsına kolledjiniń burynǵy ǵımaratyna kóshiriledi. Bul týraly búgin Almaty qalasy turǵyndarymen bolǵan jyldyq eseptik kezdesý barysynda qala ákimi Baýyrjan Baıbek málimdedi.
Almaty qalasy murajaıynyń taǵdyry jaıly osy mekeme qyzmetkeriniń suraǵyna ákim bylaısha jaýap berdi:
«Almaty qalasynyń murajaıy qazir shynynda da óte tar jerde ornalasqan. Jádigerlerdiń saqtalýy syn kótermeıdi. Sondyqtan bıyl Almaty qalasynyń 1000 jyldyǵyn atap ótý aıasynda murajaıdy Almaty medıtsınalyq kolledjiniń burynǵy ǵımaratyna kóshirýdi uıǵardyq. Óıtkeni bul ǵımarat - qalamyzdaǵy aǵashtan salynǵan eń kóne ǵımarattardyń biri (1892 jyly salynǵan). Jyl sońyna deıin onda zamanaýı ekspozıtsııalar ornatylady. Sondaı-aq, aldaǵy ýaqytta qaladaǵy memlekettik mýzeıde Almatynyń 1000 jyldyǵyna arnalǵan bólek pavılon ashylady», - dedi B. Baıbek.
