Almaty qalasynyń shet aýmaǵynan oq-dáriler tabyldy
ALMATY. QazAqparat – Almaty qalasynyń shet aýmaǵynan paketke oralǵan oq-dáriler tabyldy, dep habarlaıdy QazAqparat tilshisi.
Almaty qalalyq polıtsııa departamentiniń málimetinshe, qalanyń Naýryzbaı aýdanynyń turǵyndary ashyq jerde 9 mm patronnyń 171 danasy salynǵan paket tapqan.
«Jyl mezgilderiniń aýysýyna baılanysty patrondardy tat basqan. Paketterdiń birneshe qabaty jyrtylǵan. Oq-dáriler tárkilenip, arnaıy saraptamaǵa jiberildi. Osydan soń olardyń kimge tıesili ekendigi anyqtalady»,- dep habarlady polıtsııada.
