Almaty qalasynyń salyq organdary jańa jumys rejımine kóshedi

ALMATY.QazAqparat – 2020 jyldyń 18 mamyrynan bastap Almaty qalalyq memlekettik kirister departamenti jańa jumys rejımine kóshedi, dep habarlaıdy QazAqparat tilshisi.

Almaty qalasy boıynsha memlekettik kirister departamenti tótenshe jaǵdaı rejıminiń aıaqtalýyna jáne karantın merzimin uzartýǵa baılanysty qyzmet alýshylarǵa qatysty jańa ereje qabyldanǵanyn habarlaıdy. Sonymen, 18 mamyrdan bastap memlekettik qyzmet kórsetý eki ádispen júzege asyrylady: baılanyssyz jáne kontaktili túrde.

Aıta ketý kerek, qazirgi ýaqytta memlekettik qyzmetterdiń 84%-y avtomattandyrylǵan, 44 memlekettik qyzmettiń 37-in elektrondy túrde alýǵa bolady.

Elektrondy túrde júzege asyrylmaıtyn memlekettik qyzmetterdi eki jolmen alýǵa bolady: «elektrondyq úkimet» portaly arqyly ótinish berý jáne aldyn ala brondaý arqyly kelý negizinde», - dep habarlady departamentten.

Kelý ýaqyty sanıtarlyq-epıdemıologııalyq talaptardy saqtaı otyryp, túski úzilispen 9-00-den 18-30-ǵa deıin. Ózine-ózi qyzmet kórsetý termınaldary ýaqytsha jumys istemeıdi.

Endi ár aptanyń sársenbisinde Instagram platformasynda Almatydaǵy memlekettik kirister departamentiniń qyzmetkerleri salyq jáne keden zańnamasyndaǵy ózekti máseleler men jańalyqtardy qarastyrý úshin salyq tóleýshilermen tikeleı efır ótkizedi.

Salyq tóleýshiler t ikeleı efırde spıkerlerge suraqtaryn qoıa alady.