Almaty qalasynyń prokýrory qala turǵyndaryna úndeý jasady
Almaty qalasynyń prokýratýrasy mundaı aktsııalar ótkizilgen jaǵdaıda qatysýshylardyń is-áreketteri «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» Zańdy buzý retinde saralanatynyn eskertedi.
«Qurmetti Almaty qalasynyń turǵyndary men qonaqtary! Áleýmettik jelilerde jeke tulǵalar Almaty qalasynda 2021 jylǵy 24 sáýirge josparlanǵan sanktsııalanbaǵan mıtıngke qatysýǵa shaqyrýdy taratýda.Qala ákimdigi aktsııany uıymdastyrýshyǵa koronavırýstyq ınfektsııany juqtyrý qaýpiniń saqtalýyna jáne bas sanıtarlyq dárigerdiń buqaralyq is-sharalardy ótkizýge tyıym salýyna baılanysty ony ótkizýden bas tartty. Almaty qalasynyń prokýratýrasy mundaı aktsııalar ótkizilgen jaǵdaıda qatysýshylardyń is-áreketteri «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» Zańdy buzý retinde saralanatynyn eskertedi»,- deligen prokýrordyń úndeýinde.
Onyń aıtýynsha, quqyq qorǵaý organdary tártip buzýshylarǵa áreket etýge jáne sharalar qabyldaýǵa mindetti bolady.
«Osyndaı aktsııalarǵa shaqyrý, uıymdastyrý jáne qatysqany úshin Ákimshilik quqyq buzýshylyq týraly kodekstiń 488-baby boıynsha jaýapkershilik týyndaıdy. Eger bul áreketter eleýli zalal keltirse, onda kináliler Qylmystyq kodekstiń 400-baby boıynsha jaýapkershilikke tartylady. Bas sanıtarlyq dárigerdiń talaptaryn buzý Ákimshilik quqyq buzýshylyq týraly kodekstiń 425-baby boıynsha ákimshilik jaýaptylyqqa ákep soǵady.
Eger zańsyz aktsııa ótkizý jappaı aýrýǵa nemese koronavırýstyq ınfektsııany juqtyrýǵa sebep bolsa, onda bul Qylmystyq kodekstiń 304-baby boıynsha qylmystyq jaýaptylyqqa ákep soǵady.
Zańnama talaptaryn múltiksiz saqtaýǵa, arandatýshylyqqa boı aldyrmaýǵa jáne zańsyz aktsııalarǵa qatysýdan bas tartýǵa shaqyramyn»,- delingen Berik Júıriktaevtyń úndeýinde.
Buǵan deıin, Almaty qalalyq sanıtarlyq-epıdemıologııalyq baqylaý departamenti Janbolat Mamaıdyń kópshilikti mıtıngige shaqyrý týraly málimdemesine túsinikteme bergen bolatyn.
Foto: nege.kz