Almaty qalasynyń ortalyq kósheleriniń birinde júrgizýshi 4 adamdy qaǵyp ketti
ASTANA. Aqpannyń 10-y. QazAqparat - Almaty qalasynyń ortalyq kósheleriniń birinde júrgizýshi 4 adamdy qaǵyp ketti, olardyń ishinde 6 jasar bala bar, dep habarlady QR TJM-nyń baspasóz qyzmetinen.
Baspasóz qyzmetinen habarlanǵandaı, keshe, aqpannyń 9-y kúni tańertengi saǵat 08.58-de Alataý aýdanyndaǵy Rysqulov jáne Raıymbek kósheleriniń qıylysynda «Folksvagen» avtokóligin mingen 38 jastaǵy júrgizýshi 4 jaıaý júrginshini qaǵyp ketti. Barlyq jábirlenýshiler onyń ishinde 6 jastaǵy bala aýrýhanaǵa jetkizildi.
Osy kúni sondaı-aq, Jambyl oblysy T.Rysqulov aýdanyn basyp ótetin «Almaty-Tashkent» avtojolynyń 444-shi shaqyrymynda «Lendrover» avtokóligi «KamAZ-dyń» tirkemesine soǵylyp, onyń saldarynan jeńil kóliktiń júrgizýshisi oqıǵa ornynda kóz jumdy. Onyń 7 jastaǵy jolaýshysy aýrýhanaǵa jetkizildi.
Aqpannyń 9-y kúni saǵat 17.20-da Almaty oblysy Aqsý aýdanynan ótetin «Almaty-Óskemen» avojolynyń 399-shy shaqyrymynda 77 jastaǵy jaıaý júrginshi «Nıssan» avtokóliginiń astyna túsip, mert boldy.
