Almaty qalasynyń Naýryzbaı aýdanynda 1,5 mlrd. teńgege jańa mektep salynady - B. Baıbek
ALMATY. QazAqparat- Almaty qalasynyń Naýryzbaı aýdanynda taıaý ýaqytta 1,5 mlrd. teńgege jańa orta mektep salynady. Oǵan bıýdjet aqshasy jumsalmaıdy. Mektep qurylysyn áleýmettik jaýapkershilik aıasynda bıznes qurylymdar óz moınyna aldy. Bul týraly búgin Almaty ákimdiginde ótken Іskerlik keńes barysynda qala basshysy Baýyrjan Baıbek málim etti.
«Naýryzbaı aýdanyna jańa orta mektep aýadaı qajet. Sondyqtan, qala kásipkerleri bul jumysty óz moıyndaryna alyp otyr. Oǵan bıýdjetten bir tıyn da jumsalmaıdy. Bıýdjet kólemi sheksiz emes. Biz qazir kásipkerlermen Naýryzbaı aýdanynda endi jańa emhana salý máselesin talqylap jatyrmyz. Memleket bızneske qoldan kelgen kómektiń barlyǵyn jatyr. Bıznes te óz kezeginde áleýmettik nysandardy salýǵa kómektesýi tıis. Biz mysaly, «Qazkommertsbankpen» yntymaqtastyq jóninde 2018 jylǵa deıingi aralyqty qamtıtyn Memorandýmǵa qol qoıdyq. Bank qala aýmaǵynda 300 mlrd. teńgege áleýettik jobalardy júzege asyratyn bolady», - dedi B. Baıbek.
Sonymen qatar, ákim Almatynyń keleshegi ǵylymdy qajet etetin, shıkizattyq emes ekonomıkaǵa baǵyttalatyndyǵyn, sondyqtan qyzmet kórsetý, óńdeýshi ónerkásip, qyzmet kórsetý, týrızm sekildi salalardy damytýǵa aıryqsha kóńil bólinetindigin aıtty.
«Bul jerde kásipkerlerdiń róli úlken. Búginde shaǵyn jáne orta bıznesti Almaty ekonomıkasynyń júıkesi deýge bolady. 2014 jyly qalanyń óńirlik jalpy óniminde shaǵyn jáne orta bıznestiń úlesi 30 paıyzdy, al salyqtyq túsimde 70 paıyzdy qurady. ıAǵnı, shaǵyn jáne orta bıznes naryq ózgeristerine eń aldymen den qoıatyn sala. Mysaly, qazir qymbat turǵyn úıler, páterler satylmaı jatyr. Demek, arzan qurylysqa bet burý qajet. Zamanaýı tehnologııalardyń kúshimen turǵyn úılerdiń sharshy metriniń baǵasyn 600-700 dollarǵa deıin túsirýge bolady Taǵy bir aıta ketetin jáıt, qalada paıdalanylmaı jatqan jerler jeterlik. Olardy da tezirek naryq aınalymyna engizgen jón», - dedi B. Baıbek.
Sóz sońynda Almaty qalasynyń ákimi Ýnıversıdaǵa salynyp jatqan atletıkalyq aýyldyń bolashaqta stýdenttik qalashyqqa aınalýy múmkin ekendigin aıtty. Degenmen, bul másele qazir áli de talqylaný ústinde.
