Almaty qalasynyń myńjyldyǵy atap ótildi
ASTANA. QazAqparat - Tarıhy tereńnen syr tartqan, janǵa shýaq, júrekke nur quıatyn búgini ǵajaıyp qalanyń bul mereıtoıy ıÝNESKO-nyń Adamzattyń ataýly jáne merekelik kúnderi kúntizbesine engen. Osynaý aıtýly oqıǵaǵa arnaıy kelgen memleket basshysy Nursultan Nazarbaev barsha qazaqstandyqtardy Almatynyń myńjyldyq merekesimen quttyqtap, onyń tarıhı mánin atap ótti.
Bul datanyń ıÝNESKO deńgeıinde atalyp ótýi Almatynyń óńirlik jáne jahandyq damýdaǵy biregeı róliniń aıryqsha ekenin kórsetedi.
- Alataý bókterindegi qasterli ólke óz tarıhynda kóp nárseni basynan ótkerdi. Bul jerden alyp Eýrazııanyń shyǵysy men batysyn, soltústigi men ońtústigin jalǵaǵan alǵashqy saýda joly jáne jalpyadamzattyq magıstral - Uly Jibek joly ótken. Bes júz elý jyl buryn Jetisý Qazaq handyǵynyń besigi boldy. Bul jerde búkil Ortalyq Azııa aımaǵynyń ýrbanıstik mádenıetiniń basty oshaǵynyń biri paıda boldy, - dedi Nursultan Nazarbaev myńjyldyq mereıtoıǵa syı retinde ashylǵan jańa sport kesheni - «Almaty Arena» muz saraıynda ótken saltanatty keshte.
Elbasy basty nazarynda ekenin atap ótti.
- Byltyr qalanyń 2020 jylǵa deıingi damý baǵdarlamasy qabyldandy. Ol turǵyndardyń ómirin, qalanyń ekologııalyq jaǵdaıyn jaqsartý, bıznes úshin qolaıly jaǵdaılar týǵyzý jónindegi naqty sharalardy qamtıdy. Qazirgi Almaty - Qazaqstannyń batyl ári qarqyndy damýynyń kórinisi. Sońǵy 5 jyldyń ózinde qala aýmaǵy 2 ese ósti. Turǵyndardyń jalpy sany - bir mıllıon jeti júz adam. Almaty metropolıteninde qazirdiń ózinde 30 mıllıonnan astam jolaýshy tasymaldandy. 2017 jyly «Nurly jol» baǵdarlamasy aıasynda Úlken Almaty aınalma jolynyń qurylysy bastalady. Ol «Batys Eýropa - Batys Qytaı» halyqaralyq magıstraliniń bir bóligi bolmaq. «Innovatsııalyq tehnologııalar saıabaǵy» arnaıy ekonomıkalyq aımaǵy qurylyp damytylýda, - dedi Memleket basshysy.
Sonymen qatar Elbasy respýblıkadaǵy barlyq kásipkerlik sektordaǵy óndiriletin ónim men kórsetiletin qyzmettiń tórtten birin qamtıtyn shaǵyn jáne orta bıznes sýbektileriniń mańyzdy róline toqtalyp ótti.
Nursultan Nazarbaev sondaı-aq qysqy Ýnıversıadaǵa daıyndyq halyqtyń jumyspen kóbirek qamtylýyna, qalanyń týrıstik salasynyń damýyna jańa serpin bergenine nazar aýdardy.
Memleket basshysy 2017 jylǵy Dúnıejúzilik qysqy ýnıversıada ótetin basty nysandardyń biri - «Halyq Arena» sport kesheninde bolyp, kópbeıindi muz aıdynynyń qyzmetimen tanysty. 3 myń kórermenge arnalǵan muz aıdyny hokkeı jarystaryn ótkizýge laıyqtalǵan. Memleket basshysyna Ýnıversıadadan keıin «Halyq arena» kópbeıindi keshenin qalalyq hokkeı komandalarynyń oıyn alańyna, balalar men jasóspirimder sportyn damytý, sondaı-aq jappaı halyqtyq syrǵanaq ortalyǵyna aınaldyrý josparlanyp otyrǵandyǵy aıtyldy.
Sonymen qatar, Memleket basshysy «Dástúrli mýzyka mýltımedııalyq ortalyǵymen» tanysty. Onda Yqylas atyndaǵy halyq aspaptary mýzeıi, Á.Qasteev atyndaǵy memlekettik mýzeı, Almaty qalasynyń tarıh mýzeıi, sondaı-aq memlekettik muraǵattar qorlarynan alynǵan qazaq óneriniń kórnekti qaıratkerleri qoldanǵan biregeı aspaptar kórermender nazaryna usynylǵan. Nursultan Nazarbaev ortalyqqa óziniń jeke dombyrasy men áıgili kúıshi Dına Nurpeıisovaǵa arnalǵan «Dala áýenderi» atty músindi tartý etti.
Mereıtoı aıasynda Tuńǵysh Prezıdent saıabaǵynda almatylyqtardyń súıikti merekesine aınalyp úlgergen dástúrli Alma festıvali ótti. Bıyl alty aımaqtan quralǵan festıval alańyndaǵy «Apple Bazar» aımaǵyna 150 tonna alma ákelindi.
Almatynyń myńjyldyq mereıtoıyn atap ótý saltanaty Apple Fire merekelik otshashýymen aıaqtaldy.
