Almaty qalasynyń Qoǵamdyq keńesine 37 adam múshelikke qabyldandy
Aıta ketý kerek, jyldyń basynda Qoǵamdyq keńes múshelerin irikteý úshin 27 adamnan turatyn arnaıy jumys toby qurylǵan bolatyn.
Atalǵan jumys toby 12 aqpan-2 naýryz aralyǵynda Almaty qalasynyń Qoǵamdyq keńesiniń múshelerin irikteý boıynsha baıqaý jarııalady.
Nátıjesinde 178 ótinim kelip tústi. Olardyń 35,9%-y áıel, 64,1%-y er adam.
«Alǵashqy otyrys barysynda Qoǵamdyq keńeske 37 adam qabyldanatyn týraly aıtylǵan bolatyn. Zańǵa sáıkes olardyń 2/3-si azamattyq qoǵamnyń ókilderi bolýy tıis. Osylaısha 31 adam azamattyq qoǵamnan endi. Konkýrstan tys memlekettik organnan 6 adam qabyldanatyn boldy», - dedi máslıhat depýtaty Qaldybaı Qazanbaev.
Ashyq daýys berý nátıjesinde 31 adam Qoǵamdyq keńeske iriktelip alyndy. Sondaı-aq, oǵan máslıhat hatshysy, bilim berý jáne densaýlyq, jastar saıasaty basqarmalarynyń basshylary barlyǵy 37 adam qabyldandy.
