Almaty qalasynyń ınteraktıvti dinı kartasy jasaldy
Qalalyq ákimdiktiń baspasóz qyzmeti taratqan aqparatqa sáıkes, joba eki tilde - qazaq jáne orys tilderinde, barlyq gadjet túrlerine beıimdelgen arnaıy elektrondyq portal túrinde shyǵaryldy.
Saıttyń basty betindegi «Interaktıvti kartada» qaladaǵy barlyq dinı uıymdarǵa, dinı-ǵuryptyq ǵımarattarǵa, dinı ádebıetter taratatyn nysandarǵa tolyq sıpattama berilgen. Karta jańa qosylǵan málimettermen únemi tolyqtyrylyp, jańartylyp otyrady. Eń bastysy, almatylyqtar osy protseske qatysa alady. Málimetterdi, foto jáne vıdeo materıaldardy saıtqa júktep, nysannyń geografııalyq ornalasýyn kartada kórsetýge bolady.
Sarapshylardyń aıtýynsha, dinı ekstremızm ıdeologııasynyń taralýyna kóptegen sebepter men faktorlar bar. Olardyń qatarynda jergilikti halyqtyń dinı saýattylyǵynyń tómendigin, jergilikti turǵyndardyń qala (memleketter) terrıtorııasynda áreket etip júrgen dinı uıymdardyń qyzmetteri jaıly habarsyzdyǵyn, ǵalamtordaǵy destrýktıvti aǵym músheleriniń belsendi áreketin atap ótýge bolady.
Búgingi kúni ártúrli radıkaldy jáne ekstremıstik dinı aǵymdardyń, sonymen qatar destrýktıvti dinı ǵuryptardyń taralýy, qoǵamnyń beıbit damýyna jáne turaqtylyǵyna tónip turǵan eń úlken qaýipterdiń biri bolyp otyr. Ásirese, qoǵamda dinge degen qyzyǵýshylyqtyń ósýine baılanysty bul ózekti máselege aınaldy.
Almatynyń ınteraktıvti dinı kartasy osy máseleni sheshýge arnalǵan.
Búginde resýrsty óńdeý jáne toltyrý jumystary tolyǵymen aıaqtaldy.
Karta qala turǵyndaryn zańdy túrde qyzmet etip jatqan dinı uıymdar, dinı-ǵuryptyq ǵımarattar jáne mıssıonerler jaıly barynsha habardar etip otyrady.
Sonymen qatar, baqylaý protsesin edáýir tıimdi etip, júrgizilip otyrǵan jumystyń jyldamdyǵy men nátıjeliligin arttyrýǵa kómegin tıgizetin qala turǵyndaryna da qatysýǵa múmkindik beredi.
Bul joba tek memleket deńgeıinde ǵana emes, barlyq Ortalyq Azııa aımaǵy boıynsha ózekti bolyp tabylatyndyǵyn eskere ketý kerek.
Jańa portaldyń tusaýkeseri erteń qalalyq ákimdik ǵımaratynda ótedi.
