Almaty qalasynyń ındýstrııalyq aımaǵynda 24 joba iske asyrylyp jatyr - QR IDM
Aralanǵan nysandar qatarynda - «Tokyo Rope Almaty» JShS ınjenerlik qaýipsizdik júıelerin shyǵarý jónindegi óndiristi keńeıtý jáne ornyn aýystyrý kásiporny bar. Joba japondyq Tokyo Rope transulttyq korporatsııasynyń qatysýymen iske asyrylǵan.
Sonymen qatar, Komıtet tóraǵasy «BRB APK» JShS jylyjaı óndiristik keshenin, «Almapack Co LTD» JShS qaǵaz qaptar shyǵaratyn zaýytty, «DOC Co Ltd.» JShS keńse tehnıkalaryna arnalǵan kartrıdj shyǵaratyn tsehty, «Asia Steel Pipe Corporation» JShS úlken dıametrli dánekerlengen bolat qubyrlar shyǵaratyn zaýytty tekserip, «KMK Investment» JShS kabeldi-ótkizgish ónimder shyǵaratyn zaýyttyń qurylysy barysymen tanysty.
Aıta ketý kerek, Almaty qalasynyń Alataý aýdanynyń soltústik-batys bóligindegi Іle jáne Qarasaı aýdandarynyń shekarasyndaǵy ındýstrııalyq aımaqtyń qurylysy 2012 jyldan bastap júrgizilýde. Jalpy aýdany - 490 ga. Búginde IA aýmaǵynda 4 joba bar, 24 joba iske asyrylý satysynda, olardyń 9-y osy jyldyń sońyna deıin iske qosylady. Qazirdiń ózinde respýblıkalyq bıýdjetten alynǵan bir teńgege 5 teńge jeke ınvestıtsııalar tartylǵan.
Qazirgi tańda QR-da 22 ındýstrııalyq aımaq bar, onyń ishinde 1-eýi - jeke IA. Barlyǵy jumys istep turǵan IA aýmaqtarynda jalpy somasy 51,5 mlrd teńgege 106 joba jumys isteıdi, 5003 jumys orny ashylǵan.
Shamamen 192,7 mlrd teńge somasyna 94 joba qurylys satysynda tur, 4 myń jumys ornyn ashý kózdelgen. Sondaı-aq, 7 ındýstrııalyq aımaq qurylys satysynda tur, olardyń ınfraqurylymynyń qurylysyna búginde 39,6 mlrd teńge bólingen. Olardyń ishinde 2 IA-ny osy jyldyń sońyna deıin paıdalanýǵa berý josparda bar. Sonymen qatar, 2 salynyp jatqan IA aýmaqtarynda 20 mlrd teńge somasyna 7 joba iske asyrylǵan, 319 jumys orny qurylǵan. Budan ózge, taǵy 9 IA jobalaý satysynda tur.
