Almaty qalasynyń Gıdrometeorologııalyq monıtorıng ortalyǵy 7 - Qysqy Azııa oıyndaryna qyzmet kórsetýde
ALMATY. 2 aqpan. QazAqparat /Ádilet Musahaev/ - Respýblıkalyq memlekettik «Qazgıdromet» mekemesi men 7- Qysqy Azııa oıyndaryn uıymdastyrýshy komıtettiń yntymaqtastyq kelisimine negizdele otyryp, Almaty qalasynyń Gıdrometeorologııalyq monıtorıng ortalyǵy 2011 jyldyń 25 qańtarynan bastap 7 -Qysqy Azııa oıyndaryna qyzmet kórsetýge kiristi.
Kelisiminiń negizgi maqsaty - halyqty, sportshylar men shetel qonaqtaryn oıyndardyń ótkizilý kezinde aýa raıynyń jaǵdaıy jáne qaýip-qaterli qubylystardyń týyndaý jaǵdaıymen tıimdi aqparattandyrý bolyp tabylady. 21 qańtardan bastap Almaty qalasynyń Gıdrometeorologııalyq monıtorıg ortalyǵynyń qyzmetkerleri kúsheıtilgen tártippen jumys isteýde. Uıymdastyrýshylyq jáne tehnıkalyq suraqtardy jedel sheshý úshin quramynda ortalyqtyń basshylyǵymen, bólim bastyqtary, tájirıbeli sınoptıkter jáne tehnıka mamandary bar jumysshylar toby quryldy.
Qol qoıylǵan kelisim aıasynda 7 - Qysqy Azııa oıyndarynyń uıymdastyrýshy komıtet dırektsııasyna Almaty qalasynyń, Astana jáne Almaty oblysynyń Talǵar aýdany boıynsha qar kóshkini jaǵdaıynyń boljamy, qorshaǵan orta jaǵdaıynyń sapasyna sholý jáne Almaty qalasynyń Gıdrometeorologııalyq ortalyǵy: Shymbulaq, Talǵar, Medeý, Almaty, Aqbulaq jáne Tabaǵan baqylaý núktelerinen alynǵan naqty málimettermen, boljanǵan aqparattarmen qamtamasyz etedi.
Naqty gıdrometeorologııalyq jáne ekologııalyq aqparattarmen tolyq boljamdar berý úshin «Aqbulaq» sport-saýyqtyrý kesheni men «Tabaǵan» kesheninde baqylaý júrgizý uıymdastyrylǵan. Osy maqsatta 2 jyljymaly meteostansy (PMS-69) aýa temperatýrasy, qysymy men ylǵaldylyǵyna ólsheý, jeldiń jyldamdyǵy men baǵytyna, atmosferalyq qysymǵa, jaýyn-shashyn mólsheri men atmosferalyq qubylystarǵa baqylaýlar júrgizý úshin ornatylǵan.
Almaty qalasynyń Gıdrometeorologııalyq ortalyǵynyń Aqparatty qostaý basqarmasynda dıspetcherlik pýnkt qurylǵan, onda táýlik boıy (saǵat saıyn) Aqbulaq jáne Tabaǵan, Almaty - birikken gıdrometstansysy, Talǵar, Medeý, Shymbulaq qar kóshkin stansasynda ornatylǵan jyljymaly meteostansylarda meteorollogııalyq jáne ekologııalyq aqparattar qabyldanady. Ary qaraı aqparattar bekitilgen syzba boıynsha Astana qalasynyń Gıdrometeorologııalyq ortalyǵyna, Azııadanyń uıymdastyrýshy komıtetine, Almaty qalasynyń meteorologııalyq boljam bólimi men basqa tutynýshylarǵa belgilengen ýaqytta jiberiledi.
Jarys ótetin jerlerde mamandar onlaın rejıminde aýa-raıy jaǵdaıy men qorshaǵan orta jaǵdaıy týraly aqparattar beredi. Sondaı-aq Almaty men Astana qalasynyń qonaqtary men turǵyndary aýa-raıynyń qubylystary, naqty jáne kútiletin gıdrometeorologııalyq jaǵdaılarynyń ózgerisi týraly jedel aqparattardy táýlik boıyna RMK «Qazgıdromettiń» ortalyq dıspetcherlik qyzmeti men Almaty qalasynyń Gıdrometeorologııalyq ortalyǵynyń dıspetcherlik qyzmetinen ala alady.
