Almaty qalasynyń dızaın-kod jobasy kóktemde tanystyrylady - ákim
ALMATY. QazAqparat - Almaty ákimi Erbolat Dosaev Áýezov aýdany turǵynynyń eski úılerdiń qasbetterin bezendirýge qatysty saýalyna jaýap berdi, dep habarlaıdy QazAqparat tilshisi.
Erbolat Dosaevtyń aıtýynsha, búginde Almaty qalasynyń dızaın-kod jobasy ázirlenip jatyr.
«Onyń ishinde kópqabatty turǵyn úılerdiń qabyrǵasyna mýral salýǵa ruqsat etiledi, aýdan ákimdikteri kómektesý úshin taǵy biraz estetıkaǵa múmkindik beremiz. Sondaı-aq bizge kópqabatty páter ıeleriniń kooperatıvi, menshik ıeleriniń birlestigi jáne qarapaıym seriktestiktiń qoldaýy qajet bolady. Kóktemde qalanyń dızaın- kod jobasyn tanystyramyz dep oılaımyn», - dedi ákim.
Byltyr jaz aıynda Almaty qalasyna qatysty túzetýler boıynsha qala qurylysy keńesin engizý jáne qalanyń dızaın-kodyn qabyldaý usynyldy.
Bul megapolıs problemalaryn sheshý ári qala turǵyndarynyń ómir súrý jaǵdaılaryn jaqsartý boıynsha kelisilgen qala qurylysy saıasatyn júrgizýge múmkindik beredi. Sondaı-aq biryńǵaı sáýlettik kelbet berýdi qamtamasyz etedi.
Almaty qalasynyń dızaın-kod jobasyn 2021 jyly qabyldaý josparlanǵan bolatyn.
