Almaty qalasynyń dárigerleri jańa týǵan náresteni aman alyp qaldy
ALMATY. QazAqparat - Almatyda Balalar shuǵyl kómek kórsetý ortalyǵynda kókirek aqaýymen týǵan náresteni dárigerler aman alyp qaldy, dep habarlaıdy QazAqparat tilshisi.
Qalalyq Qoǵamdyq densaýlyq saqtaý basqarmasynyń habarlaýynsha, bala aýyr halde perzenthanadan tikeleı jetkizilgen. Bala ómirge kelgende «dıafragmaldy jaryq» degen dıagnoz qoıyldy.
Dıafragmaldy jaryq degen týa bitken aqaýǵa jatady.
Bala qursaqta bolǵanda qursaq qýysynyń músheleri: ishek, asqazan, kókbaýyr, keıde baýyr bóligi keýde qýysyna jyljıdy.
Bala tynys alýy qıyndaýyna baılanysty jańa týǵan nárestelerge arnalǵan jansaqtaý bólimine jáne qarqyndy terapııa bólimshesine ornalastyrylyp, dereý ókpeni jasandy jeldetý apparatyna qosyldy.
Nárestege balalar hırýrgy Meıirjan Qurmanálıev jetekshilik etken dárigerler toby shuǵyl operatsııa jasady. Oǵan neonataldy hırýrgtar Jalǵas Kýnııazov pen Ulyqpan Álseıitov kómektesti.
«Jańa týǵan nárestege torakoskopııalyq ádispen operatsııa jasaldy. Operatsııa kezinde aǵzalar ish qýysyna qaıta aýystyrylyp dıafragma aqaýy tigildi», - dedi qabyldaý bólimshesiniń meńgerýshisi, balalar hırýrgi Meıirjan Qurmanálıev.
Operatsııa sátti ótti.
Aýrýhanada 17 kún jatqan anasy balasyn alyp aýrýhanadan shyǵýǵa daıyndalyp jatyr.
Dárigerdiń aıtýynsha, bul sońǵy 5 jylda osyndaı aqaýmen tirkelgen 23-shi bala eken.
