Almaty qalasynyń damýyndaǵy ózekti máseleler týraly dóńgelek ústel jıyny ótedi
ALMATY. Qyrkúıektiń 22-si. QazAqparat /Erlik Erjanuly/ - Almatyda qyrkúıektiń 23-i kúni "Almaty qalasynyń damýyndaǵy ózekti máseleler" dep atalatyn dóńgelek ústel otyrysy ótedi,
dep habarlaıdy QazAqparat.
Ony Mádenıet mınıstrliginiń qoldaýymen "Alternatıva" ózekti zertteýler ortalyǵy uıymdastyryp otyr. Jıynnyń basty maqsaty - Qazaqstan qoǵamy men memleketiniń qazirgi zamanǵy damý kezeńindegi Almaty qalasynyń saıası-ákimshilik jáne áleýmettik-ekonomıkalyq jaǵdaıynyń kókeıkesti máselelerin talqylaý. Oǵan ǵylymı-zertteý uıymdarynyń, saraptamalyq qoǵamdastyqtardyń, memlekettik oryndardyń jáne saıası partııalar men úkimettik emes uıymdardyń ókilderi qatyspaq. Májiliste sóz bolatyn negizgi máseleler - "Almaty tartylys ortalyǵy retinde: áleýmettik, ekonomıkalyq saıası jáne mádenı qyrlary", "Almatydaǵy jergilikti ózin-ózi basqarýdyń tájirıbesi men keleshegi", "Qazirgi almatylyqtar: áleýmettik kóńil-kúı men úmit etý" degen taqyryptarda órbigeli otyr.
