Almaty qalasynyń birqatar qoǵamdyq uıymdary men qoǵam ókilderi «Qazaqstan-2020» demokratııalyq kúshterdiń jalpyulttyq koalıtsııasyna kirgendigin málimdedi
Aıta keteıik, "Nur Otan" HDP atalǵan koalıtsııany qurýǵa bastama kótergen edi. Ony qurýǵa QR Tuńǵysh Prezıdenti N.Á. Nazarbaevtyń ókilettiligin 2020 jylǵa deıin uzartý jónindegi jalpyulttyq referendým ótkizý týraly bastama sebep bolyp otyrǵany belgili.
Jıyn barysynda QR Ulttyq ǵylym akademııasynyń prezıdenti Murat Jurynov, "Nur Otan" HDP Almaty qalalyq fılıaly tóraǵasynyń birinshi orynbasary Mahambet Beıdalı, QR generaldar keńesiniń tóraǵasy Rústem Qaıdarov, Qazaqstan halqy Assambleıasy tóraǵasynyń orynbasary Ahmetjan Shardınov, Almaty qalasy kásipkerler qaýymdastyǵynyń prezıdenti Vıktor ıAmbaev, Qazaqstan Jazýshylar odaǵynyń tóraǵasy Nurlan Orazalın atalǵan koalıtsııanyń mańyzdylyǵy jaıynda sóz qozǵap, onyń qataryna kirgendikterin málimdeı otyryp, qol qoıdy.
«Biz saılaý ótkizý jóninde sóz qozǵaǵan kezde oǵan laıyqty tulǵalardy izdeýimiz kerek. Al el basqaryp otyrǵan adamnyń bedeli neǵurlym joǵary, ári sátti qyzmet atqaryp jatsa onyń merzimin nege uzartpasqa. Ondaı jaǵdaılar tarıhta buryn da oryn alǵan. Máselen, AQSh prezıdenti Rýzveltti alyńyz, eldiń konstıtýtsııasy boıynsha prezıdent eki merzim ǵana qyzmet atqarý kerek bolsa, ol tórt merzim el basqarǵan», -deıdi M.Jurynov.
Elimiz boıynsha mıllıondaǵan qazaqstandyqtar QR Tuńǵysh Prezıdenti Nursultan Ábishuly Nazarbaevtyń ókilettiligin 2020 jylǵa deıin uzartý jónindegi jalpyhalyqtyq referendýmdy ótkizý týraly bastamany qoldady. Al Almaty qalasynan 250 myńnan asa turǵyn referendýmdy ótkizýge tilek bildirgen.
