Almaty qalasynyń bas sanıtarlyq dárigeriniń jelide taraǵan jańa qaýlysy - feık
ALMATY. QazAqparat – Almaty qalasy sanıtarlyq-epıdemıologııalyq baqylaý departamenti áleýmettik jelide tarap jatqan jańa qaýlynyń qaýeset ekendigin aıtty, dep habarlaıdy QazAparat tilshisi.
Instagram (almata_city) áleýmettik jelisinde Jandarbek Bekshın Almatyda karantın shekteýlerin ózgertti. Kóptegen nysandarǵa «demalys kúnderi jumys isteýge tyıym salynady» degen jańa qaýly paıda boldy.
Almaty qalasynyń sanıtarlyq-epıdemıologııalyq baqylaý departamenti bul aqparat jalǵan ekenin habarlaıdy.
«Almaty qalasynyń bas memlekettik sanıtarlyq dárigeriniń sońǵy qaýlysy 2 sáýir 2021 jyly № 15 «Almaty qalasynda koronavırýs ınfektsııanyń taralýyn shekteý jónindegi sharalardy kúsheıtý týraly» shyqqan bolatyn», - dep habarlady departamenttiń baspasóz qyzmeti.
Vedomstvodaǵylar jalǵan aqparat taratqany úshin qoldanystaǵy zańnamada qylmystyq jaýapkershilik kózdeletinin eske saldy.
