Almaty qalasynyń bas memlekettik sanıtarııalyq dárigeriniń jańa qaýlysy shyqty

ALMATY. QazAqparat - Almaty qalasynyń bas memlekettik sanıtarııalyq dárigeri Qasymhan Alpysbaıulynyń koronavırýstyq ınfektsııanyń taralýynyń aldyn alý jónindegi sharalar týraly jańa qaýlysy shyqty, dep habarlaıdy QazAqparat tilshisi.

Qaýly boıynsha qalanyń aýdan ákimderi, memlekettik organdar, qalalyq kásipkerler palatasy (kelisimi boıynsha), quqyq qorǵaý jáne arnaıy organdar, mekemelerdiń basshylary, jeke jáne zańdy tulǵalar:

Bas memlekettik sanıtarııalyq dárigerdiń №16 qaýlysyn iske asyrýdy jalǵastyrý,

árbir 6 aı saıyn KVI-ǵa qarsy vaktsınatsııa, revaktsınatsııa qajettiligi týraly halyqqa belsendi túsindirý jumystaryn júrgizý,

vaktsınaǵa absolıýtti qarsy kórsetilimi bar qyzmetkerler men júkti áıelderdi qashyqtyqtan jumys nysanyna aýystyrý,

KVI-men aýyratyn adammen jaqyn baılanysta bolǵan adamdardy qashyqtyqtan jumys nysanyna aýystyrý,

Úı-jaılardy jeldete otyryp, ventılıatsııa men aýany baptaý júıelerin tekserýdi qamtamasyz etýleri tıis.

Sondaı-aq, halyq kóp jınalatyn jabyq úı-jaılarda (SOO, saýda úıleri, jabyq bazarlar, HQKO, bankter, kınoteatrlar, teatrlar, tsırkter, kontsert zaldary, avtovokzaldar, kórermenderi bar sporttyq sharalar, konferentsııalar) tamaq ishý kezinde, 5 jasqa deıingi balalardy qospaǵanda, qoǵamdyq kólikte, metroda jol júrý, halyqaralyq jolaýshylar tasymaly kezinde maska kııýdi usynýlary tıis.

Al qalalyq qoǵamdyq densaýlyq saqtaý basqarmasy KVI-men aýyrǵan adammen jaqyn baılanysta bolǵan adamdardy qashyqtyqtan jumys isteýge jáne ambýlatorııalyq baqylaýǵa aýystyrýdy,

7 kún ishinde BMSKK jáne telemedıtsına ortalyǵy deńgeıinde aýyrlyǵy jeńil jáne asımptomatıkalyq patsıentterdi ambýlatorııalyq baqylaýdy qamtamasyz etýi tıis.

Qaýly 7 shilde, saǵat 00.00-den bastap kúshine enedi.

Eske salaıyq, búgin Almaty koronavırýstyń taralýy boıynsha «S ary» aımaqqa aýysty .