Almaty qalasynyń azyq-túlik naryǵy 2,8 mlrd. AQSh dollaryn quraıdy - Ahmetjan Esimov
ALMATY. 20 sáýir. QazAqparat - Almaty qalasynyń azyq-túlik naryǵy sońǵy 5 jylda 800 mln. dollarǵa ósti. Bul týraly búgin Almatyda qala mańyndaǵy azyq-túlik beldeýin damytý máseleleri boıynsha ótkizilgen alqaly jıynda aıtyldy.
«Qala halqynyń ósimi men ómir súrý deńgeıiniń joǵarylaý úrdisi aldaǵy ýaqytta da saqtalady. Almaty oblysy Almaty qalasynyń azyq-túlikke degen suranysynyń 40 paıyzyn qamtamasyz etedi. Jalpy almatylyqtardy azyq-túlikpen qamtamasyz etýge elimizdiń barlyq oblystary qatysýda», - deıdi A. Esimov. Shahar basshysynyń aıtýynsha, degenmen ımporttyq azyq-túlik úlesi áli de joǵary. Sondyqtan «Almaty mańyndaǵy azyq-túlik beldeýin damytýda» ónim kólemin ulǵaıtatyn júıeli áreketterge kóshý kerek. Sońǵy 5 jylda negizgi azyq-túlik ónimderi baǵasy árdaıym ósýde. Atap aıtqanda, kókónister 2 ese, shujyq ónimderi - 90 paıyz, et - 85 paıyz, sút ónimderi - 25 paıyz qymbattady.
