Almaty qalasynyń aýmaǵy on jylda eki ese ósti
Dóńgelek ústel jumysyna qala basqarmalarynyń basshylary men aýdan ákimderi qatysty.
Naýryzbaı aýdanynyń ákimi Sanjar Toǵaı aýdandy damytýdyń basym mindetteri úzdiksiz sýmen, elektr energııasymen jáne gazben qamtamasyz etý ekenin aıtty.
Búginde Naýryzbaı aýdany 30% ortalyqtandyrylǵan sýmen qamtamasyz etilgen. Taǵy 20% 36 uńǵymadan sý alady. Halyqtyń qalǵan 50%-y Qaraǵaıly, Quramys, Taýsamaly, Taýjoly, Tastybulaq, Aqjar, Qarǵaly shaǵyn aýdandaryn qamtıtyn Qarǵaly jáne Aqsaı ózenderinen ashyq sý tartýdan sýdy paıdalanady.
Sanjar Toǵaı «Jańa Almatyny» damytýdyń Keshendi jospary aıasynda ortalyqtandyrylǵan sýmen jáne sý burýmen úzdiksiz qamtamasyz etý úshin 131,6 shaqyrym sý qubyry jáne 74,5 shaqyrym káriz qubyry salynǵanyn jetkizdi.
2022-2023 jyldary taǵy 74,5shaqyrym sý qubyry men 35,7 shaqyrym káriz qubyrlaryn salý jumysy aıaqtalady.
«Aýdanda Qarǵaly ózeninde jańa sý daıyndaý stantsııasynyń qurylysy bastaldy, kelesi jyly jumysty aıaqtaýdy josparlap otyrmyz. Búginde «Qarǵaly» tazartý stantsııasy táýligine 4 myń tekshe metr sý óndiredi. Jobany iske asyrǵannan keıin óndiristik qýat táýligine 15 myń tekshe metrge deıin ulǵaıtylady. Ekinshi «Aqsaı» tazartý stantsııasy táýligine 22 myń tekshe metr sý óndiredi», - dedi aýdan ákimi.
Tastybulaq, Quramys, Qarǵaly, Taýjoly jáne Jaılaý shaǵyn aýdandarynda ınjenerlik jelilerdi tartý jumystary tolyq aıaqtaldy.
Jaǵdaıdy jaqsartý jáne aýdan turǵyndaryn kommýnaldyq qyzmettermen qamtamasyz etý úshin uzyndyǵy 34 shaqyrym kárizdik kollektordyń tehnıkalyq-ekonomıkalyq negizdemesin ázirleý jónindegi sheshim mańyzdy boldy, Kollektor qoldanystaǵy úı qurylystarynan jáne qosylǵan aýmaqtarda, sondaı-aq Alataý aýdanynyń aýmaǵynan qosymsha salynyp jatqan sarqyndy sýlardy qabyldaýǵa múmkindik beredi.
Aýdan ákimi S. Toǵaı 778 shaqyrym gaz jelileriniń tartylǵanyn, turǵyndardyń gazben 98% qamtylǵanyn aıtty.
«Ótken jyly ákimdiktiń qoldaýymen kópbalaly jáne az qamtylǵan otbasylar turatyn 46 úı gaz júıesine qosylǵan bolatyn. Bul tájirıbe 2021 jyly da jalǵasyn tapty, tek metsenattar esebinen muqtaj 20 otbasynyń úıleri gazdandyryldy», - dedi Sanjar Toǵaı.
Qalanyń ónerkásiptik áleýetin damytý bızneske tıisti ınjenerlik ınfraqurylymy bar jer ýchaskeleri beriletin ındýstrııalyq aımaqty damytýmen tyǵyz baılanysty.
Dóńgelek ústelge qatysýshylar Almaty qalasynyń aýmaǵy sońǵy on jylda eki esege óskenin jáne qala turǵyndarynyń sany úshten birge artqanyn tilge tıek etti.
