Almaty qalasynyń aldaǵy 17 jylǵa arnalǵan Bas jospary bekitilmek

Bas josparǵa saı, qalanyń keleshek áleýmettik-ekonomıkalyq damýynyń basymdyqtary retinde myna baǵyttar kórsetilgen:

- adamı kapıtaldy damytý jáne halyqtyń ómir súrý sapasyn arttyrý;

- áleýmettik, ınjenerlik-kólik ınfraqurylymyn damytý;

- ekonomıkany jańǵyrtý jáne ártaraptandyrý;

- qalanyń teńgerimdi damýy.

Qujatta jazylǵandaı, qazir qalanyń turǵyn úı qory - 45 707,3 myń sharshy metr. ıAǵnı, bir turǵynǵa shaqqanda shahar turǵyndarynyń ortasha qamtamasyz etilýi 23,8 sharshy metrge teń. Endi Bas jospar aıasynda bul kórsetkishti ár adamǵa eseptegende 28,6 sharshy metrge jetkizý kózdelgen.

Sonymen birge, Bas jospar kelesi qujattardy ázirleýde mindetti túrde basshylyqqa alynýy tıis:

1) qalanyń áleýmettik-ekonomıkalyq damýynyń uzaq merzimdi jáne qysqa merzimdi baǵdarlamalary;

2) elektrmen jabdyqtaý, jylýmen jabdyqtaý, sýmen jabdyqtaý jáne basqa da ınjenerlik júıelerdi damytýdyń keshendi shemalary;

3) qalanyń keshendi kólik shemasy;

4) bekitilgen Bas jospardy iske asyrý boıynsha qala aýmaǵyn egjeı-tegjeıli josparlaý jáne salý jobalary;

5) qysqa merzimdi kezeńderge arnalǵan keshendi qurylys salý josparlary;

6) turǵyn úı, óndiristik jáne kommýnaldyq-qoıma aýmaqtaryn rekonstrýktsııalaý jáne damytý baǵdarlamalary;

7) tarıhı qurylys pen tarıhı jáne mádenı mura obektilerin saqtaý jáne jóndeý josparlary;

8) rekreatsııalyq aımaqtar aýmaqtaryn damytý jáne kógaldandyrý baǵdarlamalary;

9) qoǵamdyq keńistikterdi keshendi abattandyrý jáne qaıta qurý josparlary;

10) qalany salý erejesi.

Qazir Almatyda jalpy bilim beretin mekemelerdegi oryn sany - 286 810. Al, Bas jospardy iske asyrý sheńberinde bul mejeni 480 000 orynǵa deıin ulǵaıtý josparlanýda.

Al aýrýhanalardaǵy tósek oryndardyń kólemin 11 495-ten 23 400-ge deıin ulǵaıtý qarastyrylǵan.

Buǵan qosa, Bas josparda hımııa, mashına jasaý, tamaq jáne farmatsevtıka ónerkásibi kásiporyndary ornalasatyn jańa ındýstrııalyq aımaq qurylatyny jazylǵan.

Qujat 10 sáýirge deıin kópshilik talqylaýda bolady.