Almaty qalasynyń Alataý aýdanynda sharýashylyq qora-jaı órtendi
ALMATY. QazAqparat - Almaty qalasynyń Alataý aýdanynda sharýashylyq qora-jaı órtendi. Bul týraly búgin Almaty qalalyq TJD resmı ókili Sandýǵash Baımuhanbetova habarlady.
«2016 jyly 13 maýsymda 10 saǵat 15 mınýtta Almaty qalalyq TJD «101» kezekshi bólimine Alataý aýdanyndaǵy «Shańyraq-2» shaǵyn aýdanyndaǵy Rahymov kóshesi 161/1 mekenjaıynda sharýashylyq qora-jaı órtendi. Alǵashqy órt sóndirýshiler bólimi oqıǵa ornyna 10 saǵat 27 mınýtta kelip jetti. Sóıtip, artynsha órt sóndirýge kiristi jáne bir mezette onda adamdardyń bary-joǵy týraly barlaý jumystaryn júrgizdi. Órt sóndirý barysynda úsh gaz ballony qaýipsiz aımaqqa kóshirildi. Órt 10 saǵat 44 mınýtta aýyzdyqtalyp, 11 saǵat 14 mınýtta sóndirildi. Órttiń aýmaǵy 80 sharshy metrdi qurady», - dedi S. Baımuhanbetova.
