Almaty qalasynyń Alataý aýdanynda aýdandyq sot jáne prokýratýra ǵımaraty ashyldy
Y. Shildeniń 20-sy. QazAqparat /Názıra Eleýhan/ -Keshe Almaty qalasynyń Alataý aýdanynda aýdandyq sot jáne prokýratýra ǵımaraty ashyldy. Jańadan salynǵan ǵımarattyń saltanatty ashylý rásimine Almaty qalasynyń ákimi Ahmetjan Esimov arnaıy qatysty.
Jańa ǵımarat 4 qabatty, 1-shi jáne 2-shi qabattarda aýdandyq sot, al, 3-shi jáne 4-shi qabattarda aýdandyq prokýratýra ornalasatyn bolady. Ǵımarattyń jalpy alańy - 3090 sharshy metr. Jańa úı halyqqa qyzmet kórsetý úshin barlyq orgtehnıkamen, basqa da zattarmen tolyq qamtamasyz etilgen.
Almatynyń eń jas aýdany bolyp tabylatyn Alataý aýdanynda búgingi tańda halyqqa qyzmet kórsetetin barlyq ókiletti organdardyń mekemeleri bar.
