Almaty qalasynyń ákimi Otan qorǵaýshylardy Áskerge shaqyrylýshy kúnimen quttyqtady
ALMATY. 17 qazan. QazAqparat - Táýelsizdik alǵannan keıin kúrdeli geosaıasattyq kezeńde elimizdiń aldynda jas memleketimizdi kózdiń qarashyǵyndaı qorǵaıtyn Qarýly kúshin qalyptastyrý mindeti turdy.
Bostandyq pen táýelsizdikti jeńip alý azdyq etedi, eń bastysy olardy barynsha qorǵap, turaqtandyryp, keler urpaqqa tabys etý. Memlekettiń órken jaıýynyń basty dińgegi ulttyq qaýipsizdik pen memlekettigimizdi saqtap qalý ekeni barshaǵa aıan, dep atap ótti Almaty qalasynyń ákimi Ahmetjan Esimov.
Almaty ákimi Ahmetjan Esimov áskerı qyzmetshiler men bolashaq Otan qorǵaýshylardy, olardyń ata- analaryn merekemen quttyqtap, búgingi tańda armııanyń jas urpaq úshin úlken tárbıe mektebine aınalǵandyǵyn aıtty.
Ákim búgingi tańda memleketimizdiń áskerıler men jeke quramdy qajetti zattarmen qamtamasyz etýde qoldan kelgenniń bárin jasap jatqandyǵyn da jetkizdi.
Bıylǵy kóktemde Almatydan ásker qataryna 983 adam shaqyrylǵan bolatyn. Kúzgi shaqyrylymnyń qorytyndysy boıynsha 850 almatylyq elimizdi qorǵaıtyn bolady.
