Almaty qalasynyń ákimi Qysqy Azııa oıyndary ótetin nysandardyń qurylysy barysymen tanysyp shyqty
ALMATY. Tamyzdyń 19-y. QazAqparat /Názıra Eleýhan/ - Almaty qalasynyń ákimi Ahmetjan Esimov qaıta jóndelip jatqan Ortalyq stadıon men tramplınderdiń qurylys barysymen tanysyp shyqty, dep habarlaıdy QazAqparat.
Qala ákimi aldymen ortalyq stadıonda, odan keıin shańǵy tramplınderiniń halyqaralyq kesheninde bolyp qaıtty.
Qazirgi ýaqytta qaladaǵy eń úlken stadıonda júgirý alańdaryn keńeıtý jónindegi demontaj jumystary aıaqtalyp qaldy. Jańa alańdy jylytý, drenajdy júıeni ornatý, sýlaý sııaqty birqatar sharalar júzege asýda. Sý júıeleri men kanalızatsııa jańartylǵan. Oıyn alańyn jańartý jónindegi jumystar da keń qanat jaıýda. Batys trıbýnanyń seısmıkalyq tózimdiligi arttyrylýda. Ortalyq stadıondy qaıta jaraqtandyrý jumystary belgilengen kestege saı, halyqaralyq standart talabyna sáıkes jasalýda. Ústimizdegi jyldy qyrkúıektiń 18-de stadıonnyń jańa alańynda fýtboldan testilik matchtar ótkizý josparlanýda.
Qysqy Azııa oıyndary kezinde shańǵy tramplınderiniń halyqaralyq kesheninde shańǵymen sekirýden jarys ótetindigi belgili. Tramplınderdi tekserý maqsatynda bıylǵy jyly qyrkúıektiń 25-i kúni munda testilik jarystar ótkizý josparlanyp otyr. Sonymen qatar, keshende buqaralyq- mádenı sharalar uıymdastyrý kózdelip otyr.
