Almaty qalasynyń ákimi «Qaırat» fýtbol klýbyn qola júldeger atanýymen quttyqtady
ALMATY. 5 qarasha. QazAqparat - Segiz jyldan keıin alǵash ret úzdikter qataryna qaıta qosylǵan «Qaırat» fýtbol klýbyn Almaty qalasynyń ákimi Ahmetjan Esimov Premer-lıgada Qazaqstan chempıonatynyń qola júldegeri bolýymen quttyqtady.
«Bul bizdiń qalamyz úshin úlken nátıje, zor jetistik. Almaty barlyq ýaqytta da «Qaırat» komandasyn qoldap keldi. Aldaǵy ýaqytta da belsendi túrde qoldaıtyn bolamyz. Qazir qazaqstandyq fýtbolda básekelestik paıda boldy, sondyqtan da sizderdiń jeńisterińiz bizdiń maqtanyshymyz», - dedi shahar basshysy aıaqdopshylardy medalmen marapattaý kezinde. Syrt alańdaǵy aqtyq oıynda Pavlodardyń «Ertisin» 3:2 esebimen jeńip, úzdik úshtiktiń qataryna engen almatylyqtar aldaǵy jyly ÝEFA-nyń Eýropa lıgasynda el namysyn qorǵaýǵa múmkindik alǵan bolatyn.
