Almaty qalasynyń ákimi qalanyń qaıta jóndelgen joldaryn tekserdi
ASTANA. QazAqparat - Almaty ákimi Baýyrjan Baıbek kezekti jumys saparynda qalanyń jol ınfraqurylymynyń qaıta jasalýyn tekserdi jáne joldardy jóndeý jumystaryn uıymdastyrýǵa keshendi kózqaras qajet ekendigin aıtty, dep habarlaıdy Almaty qalasy ákimdiginiń baspasóz qyzmeti.
ıAǵnı, asfalt tóselip, bordıýrler ǵana jańartylmaı, trotýarlar, aryqtardyń jıekteri de jasalýy, zańsyz qorshaýlardyń alynyp tastalýy, jolǵa jaqyn ornalasqan aımaqtardyń jasyldandyrylýy qajet ekendigin qadap turyp aıtty.
Mysaly, Abdýlın kóshesinde, Bógenbaı batyr kóshesinen Tóle bı kóshesine deıingi joldyń shyǵys jaǵynda trotýarlar múldem joq, al qoǵamdyq aımaq kólik turaǵy retinde paıdalanylǵan. Kóshelerge ortasha jóndeý jumystaryn júrgizgen kezde atalǵan ýchaskede qorshaýlar alynyp tastaldy, jaıaý júrginshiler jolyp jasalyp, abattandyryldy, kólik turaǵy aımaǵy retke keltirildi.
Almaty qalasy Jolaýshylar kóligi jáne avtomobıl joldary basqarmasynyń basshysy Maqsut Isahov qazirgi kezde qalada 29 kósheniń jóndelgenin, 25 kóshede jumystardyń júrip jatqandyǵyn, kelesi aıda 114 magıstraldi jáne uzyndyǵy 83,7 km bolatyn aýdandyq mańyzy bar kóshelerdiń jóndeletindigin aıtty.
Tramvaı relsteri alynyp tastalǵan 18 jol qıylystary da jóndelýde. Jıyrma brıgada joldarǵa asfalt tóseý jumystarymen aınalysýda, qazirdiń ózinde josparlanǵan 250 myń sharshy metr joldyń 69 myń sharshy metrinde jóndeý jumystary aıaqtaldy.
Uzyndyǵy 18 km bolatyn 47 ýchaskede trotýarlardy abattandyrý jáne jóndeý jumystary júrip jatyr. Qazirdiń ózinde 8,5 km aımaq kógaldandyryldy. 130 beket keshenderi abattandyryldy.
Baıtursynov kóshesinde, Tımırıazev kóshesinen Abaı dańǵylyna deıingi aımaqta, Jandosov kóshesinde, Saıyn kóshesinen Taýsamaly eldi mekenine deıingi 2,08 km jerde kúrdeli jóndeý jumystary júrýde.
Alataý aýdanyndaǵy Alǵabas jáne Aqbulaq eldi mekenderindegi 10,9 km jol, Naýryzbaı aýdanyndaǵy Qalqaman, Alty Alash eldi mekenderindegi 17,3 km jol jóndelýde.
Almatyda bıyl 102 ótpeli jolǵa tún mezgilinde jaryq beriletin bolady.
Esterińizge sala keteıik, Almatyda turǵyndardyń júrip - turýyna jaıly bolý úshin júıeli jumystar júrýde, saıabaqtar men skverler abattandyrylyp, ótpeli jáne velojoldar jasalýda, qorshaýlar alynyp tastalyp, qoǵamdyq keńistik keńeıýde.
Almaly aýdanynda Dúısenov kóshesi, Arenskıı kóshesinen Gaıdar kóshesine deıingi aımaq, Qarasaı batyr kóshesi, Ablaı han kóshesinen Masanshy kóshesine deıin tolyq abattandyrylady. Bostandyq aýdanynda Tımırıazev kóshesi, Esentaı ózeninen Baıtursynov kóshesine deıingi 2,5 km aımaq abattandyrylady.
Jalpy, bıylǵy jyly ár aýdanda 16 ótpeli aımaq jáne Panfılov, Jibek joly, Gogol, Qabanbaı batyr jáne Astana alańy qaıta jasalyp, bularda jaıaý júrginshilerge basymdylyq beriledi.
