Almaty qalasynyń ákimi Asfendııarov atyndaǵy medıtsına ýnıversıtetiniń 80 jyldyǵyna arnalǵan sharaǵa qatysty
ALMATY. 9 jeltoqsan. QazAqparat /Názıra Eleýhan/ - Búgin Almaty qalasynyń ákimi Ahmetjan Esimov Asfendııarov atyndaǵy Qazaq Ulttyq medıtsına ýnıversıtetiniń 80 jyldyǵyna arnalǵan merekelik sharalarǵa qatysty.
Qala basshysy ujymdy jáne oqý ornynyń stýdentterin ataýly oqıǵamen quttyqtady. «Qazaqstannyń burynnan kele jatqan medıtsınalyq joǵary oqý orny medıtsına kadrlaryn daıyndaıtyn eń basty oqý ordasy bolyp tabylady. Elimizdiń kóptegen medıtsına ujymdarynda osy ýnıversıtettiń túlekteri qyzmet jasaıdy», - dep atap ótti A. Esimov.
Shara barysynda qala ákimi sonymen qatar, medıtsına salasynyń damýyndaǵy basty basymdylyqtarǵa toqtaldy.
«Biryńǵaı densaýlyq júıesiniń engizilýimen birge oryndalýy tıis medıtsına qyzmetkerleriniń jalaqysy qajetti shamaǵa deıin ósken joq. Qarjylyq quraldar artyǵymen ortalyqtandarylǵan, normatıvtik baza kemshin, sonymen qatar densaýlyq saqtaý uıymdaryn aqparattandyrý jaǵy jetildirýdi qajet etedi. Osy usynystardyń barlyǵy Densaýlyq saqtaý mınıstrimen kezdesý barysynda aıtyldy. Qazir bul máseleler qaralýda»,- dedi Ahmetjan Esimov.
