Almaty qalasynyń ákimi Ahmetjan Esimov qaladaǵy №131 orta mektep-lıtseıde jańadan boı kótergen sport alańynyń ashylý rásimine qatysty
MATY. 7 qazan. QazAqparat /Ádilet Musahaev/ - Elbasy buqaralyq sporttyń damýyna kóp mán berip otyr, sondyqtan búgingi atqarylyp jatqan shara salaýatty ómir saltyn qalyptastyrý saıasaty aıasynda ótip jatyr. Bul jóninde Almaty qalasynyń ákimi Ahmetjan Esimov qaladaǵy №131 orta mektep-lıtseıinde jańadan boı kótergen sport alańynyń ashylý rásiminde aıtty.
«Elimiz órkenıetti, myqty el bolý úshin, birinshiden, onyń azamattarynyń denderi saý, bilimdi bolýlary kerek. Sondyqtan jastardyń sportpen aınalysýyna barlyq jaǵdaılar jasalyp jatyr",-dep atap ótti óz sózinde qala ákimi.
Sonymen qatar ol buqaralyq sporttyń damýyna atsalysyp, qarjy bólip otyrǵan elimizdiń eń aýqymdy kompanııasy «QazMunaıGaz» ekendigin atap ótip, kompanııanyń basshylyǵyna atqaryp otyrǵan ıgi isi úshin alǵysyn bildirdi.
Atalǵan kompanııa taǵy da qaladaǵy 4 mektepte osyndaı sport alańyn ashýdy josparlap otyr.
