Almaty qalasynyń 2021 jylǵa arnalǵan bıýdjet jobasy bekitildi
Almaty qalasynyń Strategııa jáne bıýdjet basqarmasynyń málimetteri boıynsha, qalanyń kelesi jylǵa arnalǵan bıýdjeti shamamen 823 mlrd teńgeni quraıdy. Onyń 46% -y áleýmettik salaǵa baǵyttalǵan.
Jalpy qala bıýdjeti 823 mlrd teńgeni qurady, onyń ishinde aǵymdaǵy bıýdjet 383,6 mlrd teńge, damý bıýdjeti 105,3 mlrd teńge, qalaǵa respýblıkalyq bıýdjetten 143,7 mlrd teńge kóleminde maqsatty transfertter bólindi, bul bıylǵy jylǵa qaraǵanda 10,2% artyq.
Bilim salasyna 182,5 mlrd teńge bólindi. Densaýlyq saqtaý salasyna 31,3 mlrd teńge qarastyryldy.Halyqty áleýmettik qorǵaýǵa 39,9 mlrd teńge.
Qalalyq qoǵamdyq kólikterde jeńildikpen jáne aqysyz júrý úshin ótemaqy tólemderine 3 mlrd teńge. Áleýmettik mańyzy bar 159 marshrýt boıynsha qoǵamdyq kólikti sýbsıdııalaýǵa jáne metropolıtenmen jolaýshylar tasymalyn sýbsıdııalaýǵa 23,9 mlrd teńge bólindi.
Buqaralyq sportty damytý aıasynda 17,9 mlrd teńge bólindi, onyń ishinde 10 arnaıy mektep pen bir mektep-ınternat bar.
Kólik ınfraqurylymyn qamtamasyz etý - 33 mlrd teńge. Onyń ishinde qazirgi bıýdjet - 25,7 mlrd, damý bıýdjeti - 7,3 mlrd teńge. 2021 jyly 86,6 shaqyrym jol salý men jóndeý josparlanǵan.
Turǵyn úı-kommýnaldyq sharýashylyǵyn jańǵyrtýǵa - 47,8 mlrd teńge qarastyryldy. «Nurly jer» baǵdarlamasy aıasynda jyl saıyn 8,8 mlrd teńgege kepildendirilgen nesıe arqyly salý kózdelgen.
Memlekettik-jeke áriptestik sheńberinde kóshelerdi jaryqtandyrýǵa 6,4 mlrd teńge qarastyryldy. Abattandyrýǵa 28,8 mlrd teńge bólinedi. Qaýipsizdikke 18,8 mlrd teńge, onyń ishinde qoǵamdyq tártip pen kúzet jáne tótenshe jaǵdaılar nysandaryn salýǵa 1,7 mlrd teńge, tótenshe jaǵdaılardy qamtamasyz etý men aldyn alýǵa - 2,1 mlrd teńge.
Kásipkerlikti damytýǵa 8,1 mlrd Tsıfrlandyrý salasyna 1,9 mlrd teńge bólinedi.
Máslıhat depýtattary biraýyzdan bıýdjet jobasyn qabyldady.
