Almaty qalasynyń 15 jerin sý basý faktisi tirkeldi - TJD

ALMATY. QazAqparat – Kóktemde Almatyny sý basý qaýpi bar, osy qaýiptiń aldyn alý úshin aýdan ákimdikteri, merdigerlik uıymdar 13 700 dana ınertti materıaldar daıyndaldy, dep habarlaıdy QazAqparat tilshisi.

Almaty qalasy tótenshe jaǵdaılar departamentiniń málimetinshe, 18 naýryz saǵat 09.45 jaǵdaı boıynsha «112» jelisine jergilikti sý basý boıynsha 15 habarlama kelip túsken.

«Alataý aýdanynda – 4 jaǵdaı, Jetisý aýdanynda – 5, Almaly aýdanynda - 2, Bostandyq, Medeý, Túrksib, Naýryzbaı aýdandarynda-bir shaqyrtýdan boldy. Barlyq mekenjaılarda merdigerlik uıymdardyń, aýdandyq TJ basqarmalarynyń kúshteri men quraldary jumys istep jatyr»,-dep habarlady qalalyq Tótenshe jaǵdaılar departamentiniń baspasóz qyzmeti.

Naýryzdyń basynan bastap Almaty qalasynda 87 mm jaýyn-shashyn jaýǵan, negizgi norma – 76 mm. Buǵan deıin qala aýmaǵyndaǵy jaýyn-shashyn jańbyr túrinde ótken, onyń barysynda jergilikti sý basýdyń 14 faktisi tirkelip, barlyq jaǵdaılar ákimdikterdiń merdigerlik uıymdarynyń jáne Almaty qalasy TJD kúshimen joıyldy.

Sý basýdyń negizgi sebebi aryq jelileriniń qatty turmystyq qoqyspen bitelýi jáne qubyrlardyń tolyp qalýy. Qazirgi ýaqytta morenalyq kólderde temperatýra tómen, qar astynda, erigen jáne kólderge aǵyndar joq. Jalpy jaǵdaı Almaty qalasy TJD baqylaýynda.

Qabyldanǵan jedel sharalarmen qazir ákimdiktiń merdigerlik uıymdarymen 3 birlik tehnıka, 2 motopompa jáne jeke quramnyń 14 adamy Raıymbek dańǵylyndaǵy 230 úıdiń mańynan 35 tekshe metr sý soryp alyndy. Qazirgi ýaqytta jaǵdaı turaqtaldy. Kóshe monıtorıngi jalǵasýda.