Almaty qalasyndaǵy Túrkisib aýdanynda 4 páterlik turǵyn úı otqa orandy
ALMATY. QazAqparat - Búgin Almaty qalasynyń Túrkisib aýdanynda 4 páterlik eski jeke turǵyn úıdi órt shaldy. Bul týraly «QazAqparat» tilshisine Almaty qalasynyń Tótenshe jaǵdaılar departamentinen habarlady.
Málim bolǵanyndaı, búgin tańǵy saǵat 08:34-te «101» kezekshi bólimine Aqan Seri kóshesindegi nómiri №113-shi turǵyn úıden órte shyqqandyǵy týraly sýyt habar túsken.
Oqıǵa ornyna órt sóndirý bólimsheleri shuǵyl jetti. Bul kezde tórt páterlik jeke turǵyn úı men aýladaǵy qora-jaı lapyldap janyp jatqan. Jalyn tili 160 sharshy metrdi sharpydy. Ony sóndirýge 11 negizgi jáne 6 arnaıy tehnıka men jeke quramnan 50 adam jumyldyryldy. Tilsiz jaý tańǵy saǵat 09:02-de aýyzdyqtalyp, 9 saǵat 14 mınýtta tolyǵymen sóndirildi.
Órt saldarynan 1937 jyly týǵan áıel azamatsha zardap shekken. Qoldaryn kúıik shalýyna baılanysty ol qaladaǵy nómiri №4-shi aýrýhana jetkizildi.
Qazir órttiń shyǵý sebepteri anyqtalý ústinde.
